Rossiya qoʻshinlari Ugledarga etib bordi

 

Rossiya qoʻshinlari qariyb ikki yillik urinishlar va katta yoʻqotishlardan soʻng Ukrainaning Donetsk viloyatidagi Ugledar shaharchasini egallash arafasida turibdi. Ushbu strategik muhim shaharni himoya qilib kelayotgan ukrain gornizoni charchagan va dastakka muhtoj.

 

Ham Rossiya, ham Ukraina harbiy blogerlari Ukrainaning Ugledar garnizoni qiyin va xavfli vaziyatga tushib qolgani haqida yozmoqda. Rossiya qoʻshinlari Ukraina Qurolli kuchlarining 72-brigadasini qurshab olish hamda uzoq vaqtdan beri vayronaga aylangan kichik front shahrining sharqiy chekkasiga bostirib kirishga harakat qilmoqda.

Ikki yildan beri Ugledarni himoya qilib kelayotgan Ukraina gornizoni charchagan va qurshab qolish xavfi ostida, yordam yoki almashtirish imkoniyatlari qariyb yoʻq, degan fikrda Forbes harbiy tahlilchisi Devid Eks.

“Ukraina qurolli kuchlari bir vaqtning oʻzida Kurskka hujum qilmoqda, sharq va janubda mudofaa qilmoqda. Ular juda choʻzilgan. Armiya tuzayotgan 14 ta yangi brigada esa zamonaviy texnikaning keskin tanqisligini boshdan kechirmoqda”, - deb yozadi ekspert.

Ukraina va Rossiya telegram-kanallarida Ukraina Qurolli Kuchlarining Vugledardan chekinishi mumkinligi haqida taxminlar ham bildirilgan, ammo bu hozircha toʻgʻridan-toʻgʻri yoki bilvosita tasdiqlanmagan.

“Ugledarni yoʻqotishning [Ukraina uchun] ahamiyati, agar bu sodir boʻlsa, katta boʻlishi mumkin”, deb yozadi Ukrainaning Strana.Ua nashri.

“Ruslar bu shaharni uzoq vaqt bosib olishga harakat qilishdi, ammo katta yoʻqotishlarga duch kelishdi. Buning asosiy sababi shundaki, Ugledar tepalikda joylashgan boʻlib, uning atrofida asosan dasht hududi joylashgan, dron va artilleriya uchun juda zaif. Shu bilan birga, shaharning oʻzi uni himoya qilish uchun qulay boʻlgan tarzda qurilgan - minimal xususiy sektor va koʻp qavatli kapital binolar, shuningdek, mustahkam istehkomlarga aylantirilgan korxonalardan iborat", - deb taʻʻkidlaydi. Strana.Ua.

Ugledar katta strategik ahamiyatga ega. U tepalikda va ikki jabha – Donetsk viloyatidagi Sharqiy hamda Zaporojʻe viloyatidagi Janubiy frontlarning tutash nuqtasida joylashgan.

Shuningdek, shahardan 18 km sharqda temir yoʻl izlari mavjud boʻlib, ular boʻylab rus armiyasi oʻz qoʻshinlari va texnikasini Donetsk-Volnovaxa liniyasi boʻylab va janubga oʻtkazishi mumkin.

Biroq Ugledar Ukraina Qurolli Kuchlari nazorati ostida qolar ekan, toʻp artilleriyasi ushbu muhim magistralda maqsadli hujumlarni amalga oshirishga qodir.

Mavzuga aloqador

Eng ko‘p o‘qilgan

Tavsiya qilingan