Rossiya prokuraturasi koʻpxotinlik haqidagi fatvoni rus qadriyatlariga zid deb atadi

Rossiya Bosh prokuraturasi RF musulmonlari diniy boshqarmasi raisiga koʻpxotinlilik boʻyicha taklif kiritdi. Bu haqda RIA Novosti nazorat agentligidagi manbaga asoslanib xabar bermoqda.

“Rossiya musulmonlari diniy boshqarmasi Ulamolar kengashining 17 dekabrdagi “Rossiya musulmonlari jamiyatida koʻpxotinlilik masalasi” teologik xulosasi amaldagi qonunchilik va davlat oila siyosati asoslarini asrab-avaylash hamda anʻʻanaviy rus maʻʻnaviy-axloqiy qadriyatlarini mustahkamlash sohasidagi qonun hujjatlariga ziddir. Yuqoridagilarni inobatga olgan holda, Rossiya Federatsiyasi musulmonlari diniy boshqarmasi markazlashgan diniy tashkiloti raisiga qonun buzilishini bartaraf etish taklifi kiritildi”, — dedi agentlik suhbatdoshi.

Uning soʻzlariga koʻra, Bosh prokuratura RFning Oila kodeksi fuqarolardan biri boshqa roʻyxatdan oʻtgan nikohda boʻlsa, nikohga ruxsat bermasligini taʻʻkidladi. "Vijdon erkinligi va diniy birlashmalar toʻgʻrisida"gi federal qonunda esa diniy tashkilotlar, agar Rossiya qonunchiligiga zid boʻlmasa, oʻzlarining ichki qoidalariga muvofiq harakat qilishlari mumkinligini belgilaydi.

Eslatib oʻtamiz, avvalroq Rossiya musulmonlari diniy boshqarmasi Ulamolar kengashi bir qator shartlar asosida koʻpxotinlikka ruxsat beruvchi fatvoni qabul qilgani haqida xabar berilgandi.