Rossiya Chernigovga raketa hujumi uyushtirdi, 11 kishi halok boʻldi, 22 kishi yaralandi
Rossiya harbiylari Ukrainaning Chernigov shahriga zarba berdi, natijada 11 kishi halok boʻldi, yana 22 kishi yaralandi. Vayronalar ostida hali ham odamlar boʻlishi mumkin.
Rossiya harbiylari Ukrainaning Chernigov shahriga zarba berdi, natijada 11 kishi halok boʻldi, yana 22 kishi
yaralandi, deb xabar berdi Ukraina Ichki ishlar vazirligi. Vayronalar ostida hali
ham odamlar boʻlishi mumkin.
Chernigov viloyati maʻʻmuriyati rahbari Vyacheslav Chausning
soʻzlariga koʻra, shaharga uchta raketa zarbasi berilgan. "Oʻlgan tinch aholi
bor, koʻplab yaradorlar bor, hozirda barcha kerakli yordam koʻrsatilmoqda", deb
yozdi u.
Mer
vazifasini bajaruvchi Aleksandr Lomakoning aniqlik kiritishicha, raketa shaharning kichik mavzularidan
biridagi koʻp qavatli
uyga kelib tushgan. Dastlabki maʻʻlumotlarga koʻra, ushbu binoning devori vayron
boʻlgan, avtomobillar va qoʻshni uylarga ham zarar etgan.
Avvalroq Odessa viloyati va Krivoy Rogda ham portlashlar yuz bergani haqida xabar
berilgandi. Ishgʻol
qilingan Qrimdagi Jankoy harbiy aerodromi hududida ham portlashlar eshitildi.
Mahalliy telegram kanallari yongʻin aks etgan videoni eʻʻlon qildi. Rossiya
armiyasining asosiy logistika markazi Jankoyda joylashgan boʻlib, u hujum
vertolyotlari uchun baza hisoblanadi.
Mavzuga aloqador
-
Rossiya Ukrainaga turli havo hujumi vositalaridan «kuchli» zarbalar bergani aytilmoqda.
-
6 aprelga oʻtar kechasi Rossiya qoʻshinlari Ukrainaga 32 ta hujumchi uchuvchisiz uchoqlar, shuningdek, turli koʻrinishdagi oltita raketa bilan hujum qildi. Natijada Xarʻkov va Zaparojʻe viloyatlarida turar-joy binolari, ijtimoiy obʻʻektlar hamda yuk va engil avtomobillar zarar koʻrdi, 6 kishi halok boʻldi, 11 kishi yaralandi.
