Qizil Xoch: Rossiya-Ukraina mojaroda 23 ming kishi bedarak yoʻqolgan
Xalqaro Qizil Xoch qoʻmitasi Rossiya-Ukraina mojarosi paytida 23 ming kishi bedarak yoʻqolgan, oxirgi ikki yil davomida qoʻmitaga bedarak yoʻqolgan qarindoshlarini qidirish boʻyicha oilalardan 115 mingdan ortiq murojaat kelib tushganini maʻʻlum qildi.
Rossiya-Ukraina mojarosi paytida 23 ming kishi bedarak
yoʻqolgan. Bu haqda 19 fevralʻ, dushanba kuni Xalqaro Qizil Xoch qoʻmitasi (XQXQ)
matbuot xizmati maʻʻlum qildi.
Xabarda aytilishicha, XQXQ oilalarida yaqinlari haqida hech
qanday xabar boʻlmagan 23 ming kishining taqdirini aniqlashga harakat qilmoqda.
2024 yil yanvarʻ oyi oxiri holatiga koʻra, qoʻmita Ukraina,
Rossiya va boshqa mamlakatlardagi Qizil Xoch va Qizil Yarim oy milliy jamiyatlari
bilan hamkorlikda “8000 oilaga bedarak yoʻqolgan yaqinlarining taqdiri yoki
qaerdaligi haqida maʻʻlumot olishga yordam berdi”.
Oxirgi ikki yil ichida XQXKga Rossiya va Ukrainadagi
oilalardan bedarak yoʻqolgan qarindoshlarini qidirish boʻyicha 115 mingdan ortiq
telefon qoʻngʻiroqlari, onlayn soʻrovlar, xat yoki shaxsiy tashriflar kelib tushgan.
Tashkilotning tushuntirishicha, 2022 yil mart oyida tashkil
etilgan Markaziy kuzatuv agentligi byurosi tomonlar bilan ishlamoqda va frontning har ikki tomonida
qarindoshlarini qidirayotgan odamlarga yordam bermoqda.
Betaraf
vositachi sifatida ish olib boradigan byuro olingan maʻʻlumotlarni umumlashtirib, "bir
tomondan boshqasiga" uzatadi.
Jeneva konventsiyalariga koʻra, tomonlar XQXQni "oʻz
vakolatlaridagi barcha himoyalangan shaxslar toʻgʻrisida xabardor qilishlari shart va bu ularning bedarak yoʻqolish ehtimolini
sezilarli darajada kamaytiradi", deya taʻʻkidladi qoʻmita.
XQXQ oilalarning bedarak yoʻqolgan yaqinlari taqdirini bilish
huquqi xalqaro gumanitar huquqda mustahkamlanganini yana bir bor taʻʻkidladi.
Har qanday xalqaro qurolli toʻqnashuvda tomonlar odamlarning
bedarak yoʻqolishining oldini olish va oʻz yaqinlarini qidirayotgan oilalarga ular
bilan nima sodir boʻlgani toʻgʻrisida xabardor qilinishini taʻʻminlash majburiyatini
oladi.
Mavzuga aloqador
-
Putin Rossiya Qurolli Kuchlarida xizmat qilish uchun shartnoma imzolagan chet elliklar va ularning oilalariga RF fuqaroigini berish toʻgʻrisidagi farmonni imzoladi
-
Rossiya Mudofaa vazirligi 13 yanvardan 19 yanvargacha RF Qurolli Kuchlari Ukraina harbiy-sanoat kompleksi korxonalariga yuqori aniqlikdagi qurollar, shu jumladan “Kinjal” tizimlari bilan 17 ta guruh zarbalari berilganini maʻʻlum qildi.
