Pokistondagi portlashlarda oʻnlab insonlar halok boʻldi
Pokistonning Balujiston viloyatida 8 fevralʻ, payshanba kuni boʻlib oʻtishi rejalashtirilgan parlament saylovlari arafasida nomzodlar kabinetlari oldida teraktlar uyushtirildi. Eng kamida 28 kishi halok boʻldi, 47 kishi jarohatlandi.
Pokistonning Balujiston viloyatida sodir boʻlgan portlashlar
natijasida 28 kishi halok boʻldi, yana 47 kishi yaralandi. Portlashlar 8 fevralʻ, payshanba kuniga
belgilangan parlament saylovlariga nomzodlar kabinetlari oldida uyushtirildi.
Geo News telekanali
maʻʻlumotlariga koʻra, birinchi portlash mustaqil nomzod Asfand Xon Kakarning
idorasi yaqinida sodir boʻlgan. Hujum oqibatida 15 kishi halok boʻldi, 30 dan ortiq
kishi yaralandi. Jabrlanganlarning aksariyati ogʻir ahvolda. Rasmiylar qurbonlar
soni ortishidan xavotirda.
Ikkinchi terakt qurbonlari 13 kishini tashkil etmoqda, 17 kishi yaralangan.
Portlovchi qurilma “Jamiat Ulamoi Islam” (Islom ulamolari jamiyati) partiyasi binosi yaqinida ishga
tushirilgan.
Mavzuga aloqador
-
Pokistonning qamoqdagi sobiq bosh vaziri Imron Xon parlament deputatligiga oʻz nomzodini qoʻyish niyatida.
-
Islom inqilobi qoʻriqchilari korpusi Pokistonning Eron bilan chegaradosh Balujiston viloyatida joylashgan “Jaysh al-Adl” (“Adolat armiyasi”) terrorchilik guruhining asosiy bazasiga ballistik raketa va uchuvchisiz samolyotlar yordamida hujum uyushtirdi. Pokiston tomoni bu hujumni mamlakat havo hududini asossiz buzish deb atadi va 2 bolaning halok boʻlgani, 3 bola jarohatlanganini maʻʻlum qildi.
