Pokiston va Afgʻoniston chegara kuchlari oʻrtasida otishma yuz berdi

Pokistonning Balujiston viloyati Nushki hududida chegaradagi sim panjarani taʻʻmirlayotgan askarlar bilan Afgʻoniston chegara kuchlari oʻrtasida otishma sodir boʻldi.

Manbalar afgʻon chegara kuchlari koʻp talofat koʻrganini iddao qilishsa-da, bu borada ikki davlat rasmiylari tomonidan hozircha bayonot berilgani yoʻq.

Afgʻoniston va Pokiston chegara kuchlari oʻrtasidagi oxirgi mojaro 20 sentyabrʻ kuni sodir boʻlgan edi.

Ikki davlat oʻrtasidagi chegara muammolari

Ikki davlat oʻrtasidagi 2640 kilometrlik quruqlik chegarasida 18 ta oʻtish punkti mavjud. Torxam va Chaman chegara punktlari eng gavjum chegara darvozalari sifatida ajralib turadi.

Xalqaro maydonda ikki davlat chegarasi sifatida qabul qilingan Durand chizigʻini Afgʻonistondagi hukumatlar, jumladan, hozirgi maʻʻmuriyat ham rasmiy chegara sifatida qabul qilmagan.

Ushbu chiziqdagi Afgʻoniston tomoni qurgan nazorat-oʻtkazish punktlari tomonlar oʻrtasidagi kelishmovchilikning asosiy sababchisi hisoblanadi.

Boshqa tomondan, Pokiston oʻz hududida amalga oshirilgan terror hujumlarida Afgʻonistonning ham muhim rolʻ oʻynaganini daʻʻvo qilmoqda.

Islomobod maʻʻmuriyati oʻziga qarshi kurashayotgan Pokiston Toliboni (TTP) qarorgohining Afgʻonistonda joylashganini hamda Afgʻoniston maʻʻmuriyati bu tashkilotga qarshi chora koʻrmayotganini daʻʻvo qilmoqda. Afgʻoniston maʻʻmuriyati esa Pokistonning daʻʻvolarini rad etib, ularning mamlakatdagi xavfsizlik muammolariga aloqasi yoʻqligini bildirmoqda.

Afgʻoniston va Pokiston oʻrtasida chegara muammolari davom etar ekan, chegaradagi kelishmovchiliklar tufayli ikki davlat xavfsizlik kuchlari oʻrtasida baʻʻzan oʻlimga olib keladigan qurolli toʻqnashuvlar roʻy bermoqda.