Pokiston Erondagi elchisini chaqirib oldi
Eron tomonidan Pokiston hududiga raketa zarbalari berilgani ortidan Islomobod Tehrondagi elchisini chaqirib oldi. Pokiston razvedkasidagi manba ushbu hujumga javob berishning barcha imkoniyatlari koʻrib chiqilayotganini maʻʻlum qildi.
Eron
tomonidan oʻz hududiga raketa zarbalari berilgani ortidan Islomobod Tehrondagi
elchisini chaqirib oldi, deya xabar bermoqda Anadolu Pokiston TIV xabariga tayangan
holda.
“Kecha
tunda Eronning Pokiston suverenitetini asossiz va qoʻpol ravishda buzishi xalqaro
huquq va Birlashgan Millatlar Tashkiloti Nizomining maqsad va tamoyillarini buzish
hisoblanadi. Ushbu noqonuniy harakat mutlaqo qabul qilinishi mumkin emas va hech
qanday asosga ega emas. Pokiston ushbu noqonuniy harakatga javob berish
huquqini oʻzida saqlab qoladi. Natijalar uchun javobgarlik toʻliq Eron zimmasiga
tushadi”, - deyiladi xabarda.
Qayd
etilishicha, ushbu xabar Eron hukumatiga etkazilgan. Shuningdek, ayni damda Eronda
boʻlib turgan Eronning Pokistondagi elchisi hali qaytmasligi aytilgan.
Bundan
tashqari, Pokiston va Eron oʻrtasida davom etayotgan yoki rejalashtirilayotgan barcha
oliy darajadagi tashriflarni toʻxtatib turishga qaror qilindi.
Anadolu agentligining
Pokiston razvedkasidagi manbasi Balujiston viloyatiga uyushtirgan hujumiga javob
berishning barcha imkoniyatlari koʻrib chiqilayotganini maʻʻlum qildi.
Manbalar Pokistonning Eron hujumiga shoshqaloqlik bilan
munosabat bildirmaganini, biroq 2019 yil fevralida Balakot hujumiga javoban
Hindistonga berilgan javobga ishora qilib, Islomobodning “javob berish” borasida yaxshi ekanini
taʻʻkidlagan.
Eslatib
oʻtamiz, 17 yanvarʻ kuni Islom inqilobi qoʻriqchilari korpusi Pokistonning Eron
bilan chegaradosh Balujiston viloyatida joylashgan “Jaysh al-Adl” (“Adolat armiyasi”)
terrorchilik guruhining asosiy bazasiga ballistik raketa va uchuvchisiz samolyotlar
yordamida hujum uyushtirgan edi. Pokiston tomoni ushbu hujumda 2 bola halok
boʻlgani, 3 bola jarohatlanganini maʻʻlum qildi.
.png)
Mavzuga aloqador
-
Pokistonning qamoqdagi sobiq bosh vaziri Imron Xon parlament deputatligiga oʻz nomzodini qoʻyish niyatida.
-
Islom inqilobi qoʻriqchilari korpusi Pokistonning Eron bilan chegaradosh Balujiston viloyatida joylashgan “Jaysh al-Adl” (“Adolat armiyasi”) terrorchilik guruhining asosiy bazasiga ballistik raketa va uchuvchisiz samolyotlar yordamida hujum uyushtirdi. Pokiston tomoni bu hujumni mamlakat havo hududini asossiz buzish deb atadi va 2 bolaning halok boʻlgani, 3 bola jarohatlanganini maʻʻlum qildi.
