Olimpiada oldidan Parijdagi barcha uysizlar shahardan chiqarib yuborilgan

Parij olimpiadasi oldidan shahardagi minglab uysizlar avtobuslardan mamlakatning chekka hududlariga olib ketildi. Ularga uy-joy va ijtimoiy yordam paketlari vaʻʻda qilingan, biroq aksariyat hollarda oʻz hollariga tashlab qoʻyilgan.

Frantsiya hukumati Olimpiada arafasida Parijdan 5 mingga yaqin uysizni quvib chiqardi. Politsiya minglab uysiz muhojirlarni avtobuslarga mindirib, Frantsiyaning chekka hududlariga joʻnatgan. Muhojirlarning xabar berishicha, hukumat ularni boshqa shaharlarda uy bilan taʻʻminlashga vaʻʻda bergan, ammo ular uydan uzoqda notanish koʻchalarda qolgan yoki deportatsiya uchun belgilangan, deb yozadi The New York Times (NYT).

Frantsiya prezidenti Emmanuel Makron Olimpiya oʻyinlari mamlakatning buyukligini namoyish etishiga vaʻʻda berdi. Ammo Olimpiya qishlogʻi Parijning eng qashshoq chekka tumanlaridan birida qurilgan boʻlib, bu erda minglab odamlar koʻchalarda chodirlarda, boshpanalarda yoki tashlandiq binolarda yashardi.

“Bizni Olimpiada tufayli qaerga ketayotganimizni tushuntirmasdan olib ketishdi”, - deydi Olimpiya qishlogʻi yaqinidagi tashlandiq tsement zavodidan haydalgan chadlik Muhammad Ibrohim. U avvaliga Parij janubidagi boʻsh binoga koʻchib oʻtgan, u erdan aprelʻ oyida politsiya tomonidan quvib chiqarilgan. Avtobusda janubi-gʻarbiy tomonga, Orlean yaqinidagi shaharchaga olib borilgan.

“Bizga uy-joy va ijtimoiy yordam vaʻʻda qilingandi. Lekin oxir-oqibat taqdir hukmiga tashlab ketildik”, - deydi Sharl de Goll aeroportida samolyot tozalovchi boʻlib ishlaydigan sudanlik Yusuf Ahmad.

Parij va uning atrofida 100 ming boshpanasiz odam uchun boshpana etarli emas. Hukumat, xususan, uysiz odamlarni mamlakatning boshqa hududlariga taqsimlash orqali muammoni engishga harakat qilmoqda. Oʻtgan yili Frantsiya hukumati 10 ta vaqtinchalik boshpana ochgan.

Shu bilan birga, Makron hukumati uysizlarning Parijdan olib chiqilishi Olimpiada bilan bogʻliqligini rad etadi. Biroq ismini oshkor etmagan hukumat uy-joy xizmati xodimining NYT ga aytishicha, kampaniyadan maqsad aynan “Olimpiada oʻtkaziladigan joylarga yaqin hududlarda koʻchadagi odamlarni aniqlash” va ularni Oʻyinlar oldidan boshqa joyga koʻchirishdir.