Moskvada alkogolizmga chalinganlar soni keskin oshdi
Ukrainadagi urushning ikkinchi yilida Moskvadagi xususiy narkologiya klinikalarida yangi alkogolizm tashxisi qoʻyilgan bemorlar soni keskin oʻsdi. Umuman olganda, mamlakatda spirtli ichimliklarga qaramlik holatlari soni besh yildan buyon oshib bormoqda va oʻsish har yili taxminan 15 foizni tashkil qilmoqda.
Ukrainadagi urushning ikkinchi yilida Moskvadagi xususiy narkologiya klinikalarida yangi tashxis qoʻyilgan spirtli ichimliklarga qaramlik bilan ogʻrigan bemorlar soni keskin oʻsdi, deya xabar bermoqda "RBK".
Oʻtgan yili "Klinika doktora Isaeva"da bunday bemorlar 2022 yilga nisbatan 44 foizga oshgan. Marshak klinikasida birinchi marta kasallanganlar sonining oʻsishi 27 foizni, ProMed klinikasida esa 15,5 foizni tashkil etdi, deya xabar beradi "RBK"ga tibbiyot muassasalari.
"Har doim, inqirozlar vaqtida, spirtli ichimliklarni isteʻʻmol qilishda oʻsish boʻlgan: odamlar qandaydir xotirjamlikni izlashadi, unutishni istashadi", - deydi "Klinika doktora Isaeva" shifoxonasi psixiatri, narkolog, narkologiya va psixiatriya boʻlimi boshligʻi Ruslan Isaev.
Tibbiyot mutaxassisi bundan oldin koronavirus pandemiyasi davrida ham spirtli ichimliklarni isteʻʻmol qilish sezilarli darajada oshgani va natijada narkologik davolanishga boʻlgan talab oshganini eslatib oʻtdi. Unga koʻra, 2019 yilda 2018 yilga nisbatan birinchi marta aniqlangan alkogolizm bilan kasallangan bemorlarning oʻsishi Doktor Isaev klinikasida 10 foiz, Marshak klinikasida 18 foiz, ProMed klinikasida esa 13 foizni tashkil etdi.
Ukrainada urush boshlanganidan keyin bemorlarning takroriy tashriflari soni ortdi, deydi Marshak klinikasi shifokori Dmitriy Vashkin.
"Odamlar stressni, xavotirni boshdan kechirdi va bu giyohvandlikning qaytalanishini keltirib chiqardi", deb tushuntirdi u.
"Spirtli ichimliklarga qaramlik holatlari soni besh yildan beri oshib bormoqda va oʻsish har yili taxminan 15 foizni tashkil qiladi", deydi ProMed narkologiya klinikasi bosh direktori Mariya Kulinskaya.
"Alkogolʻ haqiqatdan" qochish ", kelajakka nisbatan qoʻrquv va noaniqlik bilan kurashish usuliga aylanadi", deya qoʻshimcha qildi u.
"Shu bilan birga, tendentsiya 2024 yilda ham davom etishi aytilmoqda: 2024 yilning birinchi choragida soʻrovlar soni oʻtgan yilning shu davriga nisbatan 20 foizga oshdi", dedi Vashkin. Sotilayotgan spirtli ichimliklar statistikasi ham aholining alkogolizmga qay darajada chalinganidan dalolat beradi. 2023 yilda oxirgi toʻqqiz yildagi rekord yangilandi: 15 yoshdan oshgan isteʻʻmolchiga 8 litrgacha toza spirt toʻgʻri kelmoqda.
Mavzuga aloqador
-
Evropa Ittifoqi Rossiya va Ukraina oʻrtasida davom etayotgan mojaro fonida urush iqtisodiyoti rejimiga oʻtishi kerak, deya maʻʻlum qildi sanoat boʻyicha Evropa komissari Tʻerri Breton. U Evropa AQShdagi prezident saylovlari natijasidan qatʻʻi nazar, oʻzini himoya qila olishi kerakligini taʻʻkidladi.
-
AQSh Ukraina, Isroil va Tayvanga yordam koʻrsatishni oʻz ichiga olgan hamda har biri alohida ovoz berish orqali koʻrib chiqiladigan reja loyihasini taqdim etdi. Ushbu rejaning Ukraina qismida yordam grantlar koʻrinishida emas, balki kredit shaklida taqdim etilishi koʻzda tutilgan.
