Rossiya 5 aprelʻ kuni Bryusselda boʻlib oʻtgan voqeani “kollektiv Gʻarb”ning Janubiy Kavkazni geosiyosiy qarama-qarshilikka tortishga qaratilgan navbatdagi urinishi sifatida baholadi. Moskva Erevanni Gʻarbning aldovlariga uchmaslikka va Armanistonni notoʻgʻri yoʻldan yurgʻizishiga yoʻl qoʻymaslikka chaqirmoqda.

Moskva Erevanni Gʻarbning aldovlariga uchmaslikka va Armanistonni notoʻgʻri yoʻldan yurgʻizishiga yoʻl qoʻymaslikka chaqirmoqda. Bu haqda Rossiya TIVning 5 aprelʻ kuni boʻlib oʻtgan Armaniston-AQSh-Evropa Ittifoqi formatidagi oliy darajadagi uchrashuviga oid bayonotida aytiladi, deya xabar berdi Anadolu.

Moskva 5 aprelʻ kuni Bryusselda AQSh-Evropa Ittifoqi-Armaniston formatidagi uchrashuvni “kollektiv Gʻarb”ning Janubiy Kavkazni geosiyosiy qarama-qarshilikka tortishga qaratilgan navbatdagi urinishi sifatida baholamoqda.

Hujjatda qayd etilishicha, mintaqadan tashqaridagi kuchlarning Janubiy Kavkaz ishlariga masʻʻuliyatsiz va buzgʻunchi aralashuvi, mintaqa davlatlari va ularning qoʻshnilari oʻrtasida ixtilof chiqarish istagi barqarorlik, xavfsizlik va iqtisodiy taraqqiyot uchun eng salbiy oqibatlarga, mintaqada yangi boʻlinish chiziqlari paydo boʻlishiga, shuningdek, nazoratsiz oʻsish keskinligiga sabab boʻladi.

“Gʻarb Armanistonni Janubiy Kavkazda oʻzining oʻta xavfli rejalarini amalga oshirish vositasiga aylantirmoqchi ekanligi koʻrinib turibdi. Biz bilamizki, Vashington va Bryussel vaqtinchalik vaʻʻdalar ostida Armanistonning KXShT va EOII tarkibidan chiqishini, Rossiya harbiy bazasi va chegara qoʻshinlarini olib chiqib ketishini talab qilmoqda", deyiladi bayonotda.

Moskva Armaniston rahbariyatini Gʻarbning oʻzini aldashiga va mamlakatni xavfsizlik boʻshligʻining paydo boʻlishi, iqtisodiyotda jiddiy muammolar va aholining chiqib ketishiga olib keluvchi notoʻgʻri yoʻldan yurgʻizishiga yoʻl qoʻymaslikka chaqirdi.

“Gʻarb, shuningdek, Armaniston-Ozarbayjon oʻrtasidagi normallashuvning fundamental asosi – Rossiya, Armaniston va Ozarbayjon rahbarlarining transport va iqtisodiy aloqalarni qaytadan yoʻlga qoʻyish, chegaralarni delimitatsiya qilish, tinchlik kelishuvlarini tayyorlash, jamoat faollari va mutaxassislar  aloqalari orqali ishonchni mustahkamlashni koʻzda tutuvchi 2020-2022 yillarga moʻljallangan uch tomonlama bayonotlari toʻplamini barbod etishga boʻlgan urinishlaridan ham voz kechmayapti. Aynan Vashington va Bryussel bosimi ostida rasmiy Erevan ushbu kelishuvlarning bajarilishini toʻxtatib qoʻydi, ularning koʻplari boʻyicha, xususan, oʻzaro transport cheklovlarini olib tashlash masalasida tomonlar oʻzaro maqbul echimlarga yaqin edi. Moskva Ozarbayjon va Armaniston oʻrtasida uzoq kutilgan tinchlikka erishish uchun har tomonlama hissa qoʻshishga tayyor”, - deya taʻʻkidladi Rossiya TIV.

Moskvaning fikricha, Janubiy Kavkazdagi ham mintaqaviy, ham ikki tomonlama tusdagi muammoli masalalar 23 oktyabrʻ kuni Tehronda boʻlib oʻtgan va Armaniston ham ishtirok etgan «3+3» Maslahat platformasining ikkinchi yigʻilishida kelishilgan “mintaqaviy masʻʻuliyat” tamoyiliga muvofiq hal etilishi kerak.

“Biz tashqi oʻyinchilarni ushbu kelishuvlarni hurmat qilishga, Erevan hukumatini esa oʻz tashqi siyosat yoʻnalishini qurishda qoʻshni davlatlarning xavotirlarini inobatga olishga chaqiramiz”, — deyiladi hujjatda.

Eslatib oʻtamiz, oxirgi vaqtlarda Armaniston-Ozarbayjon chegarasidagi harbiy vaziyat taranglashgan. Armaniston chegara perimetrlari boʻylab harbiy qoʻshin va texnikalarini joylashtirib, 24 soat ichida Ozarbayjon Qurolli kuchlari pozitsiyalariga 30 marta turli kalibrli qurollardan oʻq uzdi.