Masjidi Nabaviyga mikrochipli 25 mingta yangi gilam toʻshaldi

Madinadagi Masjidi Nabaviyga namozxonlarga qulaylik yaratish maqsadida 25 mingta mikrochipli yangi gilam toʻshaldi. Ushbu chiplar gilamlarning joylashuv oʻrni, tozalash, xushboʻy hidlar bilan ishlov berish kabi jarayonlar vaqtini qayd etib boradi.

Madinadagi Masjidi Nabaviyning hovli, tom va ichkari qismlariga namozxonlar va ziyoratchilarga qulaylik yaratish maqsadida 25 mingta yangi gilam toʻshaldi.

Mutaxassislar tomonidan muqaddas masjid uchun maxsus tanlangan boʻlib, chidamliligi va yumshoqligi bilan ajralib turadi. Bundan tashqari, har bir gilamga chip oʻrnatilgan boʻlib, u joylashuvini kuzatib boradi, tozalash, xushboʻy hidlar bilan ishlov berish, yuvish va sterilizatsiya qilish uchun olib ketish va tashish vaqtlarini qayd etadi

Maʻʻlumot uchun, gilamlarga har kuni 115 tonna antiseptik va 30 tonna (30 ming litr) aromatik moddalar ishlatiladi, deya xabar beradi Global Village.