Jozep Borrelʻ: May oyi oxirigacha bir necha davlat Falastin mustaqilligini tan oladi
Evropa Ittifoqining tashqi siyosat va xavfsizlik boʻyicha oliy vakili Jozep Borrelʻ EIning bir qancha davlatlari Falastinni tan olishi mumkinligini maʻʻlum qildi.
Evropaning bir qancha aʻʻzo davlatlari may oyi oxirigacha
Falastin davlatini tan olishi kutilmoqda. Bu haqda Reuters agentligi EI tashqi
ishlar vaziri Jozep Borrelning 29 aprelʻ kuni Ar-Riyodda boʻlib oʻtayotgan Jahon
iqtisodiy forumining navbatdan tashqari yigʻilishi chogʻida bergan bayonotiga tayanib
xabar berdi. EI
diplomatiyasi rahbari qaysi davlatlar muhokama qilinayotganiga aniqlik kiritmadi.
Mart oyida Ispaniya, Irlandiya, Malʻta va Sloveniya birgalikda Falastin
davlatini tan olishga intilishlarini eʻʻlon qilgan edi.
Jumladan,
Ispaniya bosh vaziri Pedro Sanches avvalroq Madrid Falastin mustaqilligini tan olish
muddatini iyulgacha uzaytirmoqchiligini
hamda EIda tez orada bir necha aʻʻzolarni bir xil pozitsiyani egallashga turtki beruvchi “salmoqli massa” vujudga kelishini aytgandi.
Hozirgacha Evropa Ittifoqining 9 ta davlati – Bolgariya, Vengriya, Kipr, Malta, Polsha, Ruminiya, Slovakiya,
Chexiya va Shvetsiya Falastinni tan olgan.
BMTga
aʻʻzo 193 davlatdan 140 tasi Falastin hududlarini alohida davlat sifatida
tan olgan.
Mavzuga aloqador
-
Isroil bosh vaziri Benʻyamin Netanyaxu AQSh maʻʻmuriyatiga har qanday koʻrinishdagi Falastin davlati tashkil etilishiga qarshi ekanligini aytdi. “Netanyaxudan keyingi kun. Koʻpchilik Isroil fuqarolari uchun bu keyingi kun. 30 yil davomida men doimiy ravishda bir narsani aytdim: bu mojaro davlatning yoʻqligi haqida emas, balki uning mavjudligi haqidadir”, - dedi u.
-
AQSh Falastinning BMTga toʻliq aʻʻzoligi haqidagi rezolyutsiya loyihasiga veto qoʻydi. BMT Xavfsizlik Kengashiga aʻʻzo 12 davlat loyihaga «maʻʻqul» ovoz berdi, Buyuk Britaniya va Shveytsariya betaraf qoldi.
