Isroilliklar oktyabrda Masjidul Aqsoga 23 marta bosqin uyushtirdi

Falastin erlarini bosib olgan isroilliklar, oʻtgan oy ishgʻol ostidagi Sharqiy Quddusdagi Masjidul-Aqsoga politsiya himoyasida 23 marta bosqin uyushtirdi. Shuningdek, Gʻarbiy Sohildagi Xebron shahrida joylashgan Ibrohim masjidiga ham bir necha bor bosqinlar uyushtirildi, Yusuf alayhissalom qabri boshida koʻngilxushliklar qilindi.

Falastin vaqflar va din ishlari vazirligi tomonidan eʻʻlon qilingan hisobotda isroillik radikal yahudiylar ishgʻol qilingan Quddusdagi Masjidul-Aqso va Gʻarbiy Sohildagi Hebron shahridagi Haram al-Ibrohim masjidiga nisbatan sodir etilgan qonunbuzarliklar oʻrin olgan.

Xabarda, politsiya himoyasi ostidagi isroilliklarning oktyabrʻ oyida Masjidul-Aqsoga jami 23 marta bosqin uyushtirgani, bu harakatlar davomida 9721 kishining Masjidul-Aqsoga bosqin uyushtirgani bildirildi.

Shuningdek, Isroilning oʻta oʻngchi Milliy xavfsizlik vaziri Itamar Ben-Gvirning 16-23 oktyabrʻ kunlari “Choy bayrami” bahonasida Masjidul-Aqsoga bosqin uyushtirgani, Ben-Gvirning Akso bosqinida baʻʻzi bayonotlar bergani aytildi.

Xebron shahridagi Harami Ibrohim masjidiga qarshi qonunbuzarliklar ham tilga olingan xabarda “Isroil Harami Ibrohim masjidida 95 marta azon aytilishiga toʻsqinlik qilgani taʻʻkidlandi. Shuningdek, politsiya va harbiylar himoyasi ostidagi qurollangan yahudiylar mazkur masjid hududida joylashgan hazrati Yusuf qabri boshida oʻyin-kulgu ham qilishdi.

Hisobotda Isroilning bosib olingan Falastin hududlarida diniy muqaddasliklarga qarshi xavfli qonunbuzarliklar sodir etgani taʻʻkidlanib, xalqaro hamjamiyatni bu vaziyatga aralashish uchun chora koʻrishga chaqirildi.

Al-Aqso masjidiga reydlar

1994 yil 26 oktyabrda Isroil va Iordaniya oʻrtasida imzolangan tinchlik kelishuviga koʻra, Masjidul-Aqso Iordaniya Vaqflar, islomiy ishlar va muqaddas ishlar vazirligiga qarashli Quddus Islomiy vaqflar boshqarmasi homiyligidadir.

2003 yildan beri yahudiylar Isroilning bir tomonlama qarori bilan maʻʻmuriyat ruxsatisiz, politsiya hamrohligida muqaddas maʻʻbadga kirib kelishmoqda. Bu kirishlarni bosqin deb taʻʻriflagan Quddus Islomiy vaqflar boshqarmasi musulmonlarning suvereniteti poymol qilinganiga urgʻu beradi.

Qibla masjidi va Qoya masjidi gumbazi, shuningdek, muzey, madrasa va katta hovlini oʻz ichiga olgan Masjid ul-Aqso majmuasi ostida isroilliklar "Sulaymon ibodatxonasi qoldiqlari bor" degan daʻʻvo bilan qazish ishlarini olib bormoqda.

Isroil maʻʻmuriyatining taʻʻkidlashicha, Masjid al-Aqsoda “faqat musulmonlar ibodat qilishi mumkin boʻlgan va boshqa din vakillari faqat ziyorat qilishi mumkin boʻlgan” tarixiy status-kvo saqlanib qolgan.