35 ming falastinlik Masjidul Aqsoda taroveh oʻqidi

Isroil cheklovlariga qaramay, 35 ming falastinlik Masjidul Aqsoda xufton va tarovih namozlariga saf tortdi. Isroil kuchlari Masjidul Aqsoga kirmoqchi boʻlgan yosh yigitni kaltaklab, hibsga olgani aytilmoqda.

Falastinning WAFA rasmiy xabar agentligi Quddus Islomiy Vaqflar Departamentiga asoslangan holda minglab falastinlik musulmonlar Ramazon oyining birinchi kunida Masjidul Aqsoga toʻplanganini xabar qildi.

Xabarda Isroil kuchlari ishgʻol ostidagi Sharqiy Quddus shahrida 5 oydan beri musulmonlarning Masjidul Aqsoga kirishiga toʻsqinlik qilib kelayotgani esga olinib, Isroil kuchlari Ramazonning birinchi kunida ham yoshlarning Masjidu Aqsoga yaqinlashishiga ruxsat bermagani taʻʻkidlandi.

Xabarda Isroil armiyasining Masjidul Aqsoga kirmoqchi boʻlgan falastinlik bir yigitni qattiq kaltaklagani va qoʻlga olgani, joriy etgan cheklovlarga qaramay, 35 ming kishining xufton va tarovih namozlari uchun Masjidul Aqsoda saf tortganligi bildirildi.

Xabarda Isroilning Masjid-i Aqsoga olib boradigan darvozalardan biri boʻlgan Esbat darvozasini oʻrab turgan devorlarga tikanli sim oʻrnatganligi ham eslatildi.