Isroil Yamanda harbiy operatsiya oʻtkazishni rejalashtirmoqda

Isroil Yamanda harbiy operatsiya oʻtkazishni rejalashtirmoqda

Isroil davom etayotgan raketa va uchuvchisiz havo vositalari hujumlariiga javoban Yamandagi “Ansorulloh” harakatiga qarshi yangi harbiy operatsiya oʻtkazishni rejalashtirmoqda. Bu haqda Isroilning "KAN" telekanaliga tayanib, "Anadolu" agentligi xabar berdi.

Jumladan, dushanba kuni husiylar Tel-Aviv yaqinidagi Yaffa shahriga uchirgan ballistik raketa va uchuvchisiz uchoqlar Isroil havo mudofaa tizimi tomonidan tutib qolingan. Ushbu hujumda besh kishi jarohatlandi. Shu munosabat bilan Isroil hukumati husiylar hujumlariga qarshi qatʻʻiy javob berishga qaror qildi. Husiylar esa oʻz harakatlarini Falastin qarshilik kuchlariga birdamlik sifatida baholamoqda.

"KAN" maʻʻlumotlariga koʻra, Isroil xavfsizlik organlari Eron taʻʻsiridagi mintaqa harakatlarini tahlil qilib, Yamandagi husiy nishonlariga zarba berish uchun maxsus operatsiyani rejalashtirmoqda.

Isroil iyulʻ oyida Yamanning Hudayda portiga, sentyabrda “Ansorulloh” harakatiga tegishli bir qator nishonlarga hujum qilgandi. Kutilayotgan Yamandagi operatsiyalari Qizil dengizda joylashgan AQSh harbiy kuchlari bilan muvofiqlashtirilmoqda. AQSh harbiy kemalari Isroilga texnik va harbiy yordam koʻrsatmoqda.

Qayd etilishicha, Isroilning Yamandagi “Ansorulloh” harakatiga qarshi rejalashtirayotgan operatsiyasi mintaqadagi keskinlikni yanada oshirishi mumkin. Eron taʻʻsiridagi husiylar va Isroil oʻrtasidagi bu qarama-qarshilik nafaqat Yamandagi vaziyatga, balki butun mintaqadagi xavfsizlik muvozanatiga taʻʻsir qilishi kutilmoqda.