Isroil OAV: HAMAS Gʻazo sektorida yana hokimiyatni qoʻlga kiritdi
Yahudiy matbuoti Isroil qoʻshinlari Gʻazo sektori shimolini tark etganidan soʻng HAMAS harakati yana eksklavdagi nazoratni qoʻliga olgani va davlat xizmatlarini koʻrsatishni tiklaganini yozmoqda.
HAMAS harakati Gʻazo sektorining shimoliy va markaziy
qismlarida davlat xizmatlarini koʻrsatishni qaytadan boshladi. Bu haqda Isroilning “KAN” davlat televideniesi ism-shariflari
oshkor etilmagan ikki mansabdor shaxsga tayanib xabar berdi.
HAMAS
Isroil armiyasi tomonidan tashlab ketilgan hududlarda fuqarolik boshqaruvi ustidan
hokimiyatni tikladi, deydi rasmiylar.
Urush kabi favqulodda vaziyatlar uchun tuzilgan favqulodda
qoʻmitalar bilan bir qatorda, avvalroq XAMAS nazoratida boʻlgan munitsipal
idoralar shimoliy va markaziy hududlarda oʻz faoliyatini qayta boshlagani xabar
qilingan.
Isroil Gʻazodagi urushdan maqsad HAMASni yoʻq qilish va asirlarni qaytarish
ekanini bir necha bor taʻʻkidlaganiga qaramasdan, 7 oktyabrdan beri davom etayotgan urushda shu
paytgacha bu maqsadlarning birortasiga erisholmadi.
.png)
Mavzuga aloqador
-
Turkiya tashqi ishlar vaziri Hoqon Fidan Falastinning HAMAS harakati Siyosiy byurosi raisi Ismoil Haniya bilan uchrashdi. Tomonlar Gʻazo sektorida sulhni tezroq oʻrnatish imkoniyatlari, Falastin anklaviga insonparvarlik yordami hajmini oshirish va mahbuslarni ozod qilish masalalarini muhokama qildi.
-
“Aqso toʻfoni” boshlanganidan soʻng isroilliklarning HAMASni tor-mor etish haqidagi hayqiriqlari avj oldi va ularga gʻarbning yirik davlatlari ham qoʻshildi. Ularning maqsadi Gʻazo sektoridagi HAMAS boshqaruvini tugatish va Falastin hukumati qarorlarini qabul qilishda uning taʻʻsirini yoʻqotish edi. Bu harakatlar HAMASni dunyo xalqlari oldida terror tashkilot sifatida gavdalantirish, shuningdek uni Yaqin Sharqdagi tinchlik va osoyishtalikka halal beradigan yagona toʻsiq qilib koʻrsatish, arab mamlakatlarining tashqi aloqalari, xavfsizligi uchun tahdid etib namoyon qilish tashviqotlari bilan boshlandi. Demak, ularning fikricha, HAMAS barcha muammoning sababchisi, HAMASning yoʻq qilinishi mintaqadagi tinchlikka olib boradigan yagona yoʻl.
