Isroil harbiylari jangovar itga daunga chalingan falastinlikni oʻldirishiga qoʻyib berishdi

Isroil harbiylari jangovar it Daun sindromi va autizmga chalingan 24 yoshli falastinlik Muhammad Bharni tilka-pora qilib oʻldirishiga qoʻyib berishdi. Shuningdek, ular Muhammadga yordam berishlariga ham toʻsqinlik qilishgan. BBC holat haqida dastlab “Gʻazolik Daun sindromli erkakning yolgʻizlikdagi oʻlimi” sarlavhasi ostida xabar berdi, oʻquvchilarning tanqididan soʻng esa “Gʻazolik Daun sindromiga chalingan erkakka Isroil armiyasi iti hujum qildi va oʻlimga tashlandi, deydi onasi” deb oʻzgartirildi.

Daun sindromi va autizmga chalingan 24 yoshli falastinlik Muhammad Bhar Isroil harbiylari tomonidan oʻldirildi. Ular qoʻyib yuborgan jangovar it yigitni gʻajib tashladi. Isroilliklar qurol bilan uning oilasini oʻlim arafasida turgan yigitni yordamsiz tashlab ketishga majburlashdi.

Muhammadning oilasiga koʻra, Isroil qoʻshinlari 3 iyulʻ kuni ularning uyiga harbiy it bilan bostirib kirgan.

Jabrlanuvchining onasi Bi-bi-si bilan suhbatda u isroillik harbiylarni Muhammadning ahvoli haqida ogohlantirib: “Uni asrab qoling, u nogiron. Itni unga yaqinlashtirmang”, - degan, biroq barcha urinishlari behuda ketgan.

“It unga hujum qildi, koʻkragidan, keyin qoʻlidan tishladi. Muhammad gapirmadi, faqat: “Yoʻq, yoʻq, yoʻq”, deya ingradi”, - dedi Nabila BBC ga.

Hujumdan soʻng isroillik askarlari Muhammadni oilasidan ajratib, yordamsiz oʻlimga qoldirib ketishga majburlagan. Oila uyiga qaytgach, Muhammadning polda qonga belanib yotganini koʻrgan.

"Biz uni ulardan ham, itdan ham qutqara olmadik", - deydi Nabila.

Qayd etilishicha, ushbu holat haqida BBC dastlab “Gʻazolik Daun sindromli erkakning yolgʻizlikdagi oʻlimi” sarlavhasi ostida xabar bergan. Bu esa tarmoq foydalanuvchilari oʻrtasida qizgʻin noroziliklarga sabab boʻlgan. Shundan soʻng sarlavha “Gʻazolik Daun sindromiga chalingan erkakka Isroil armiyasi iti hujum qildi va oʻlimga tashlandi, deydi onasi” deb oʻzgartirilgan.

Mavzuga aloqador

Eng ko‘p o‘qilgan

Tavsiya qilingan