Isroil harbiy xarajatlari oyiga 1,8 dan 4,7 mlrd dollarga oshdi

Isroilning harbiy xarajatlari 2023 yil 7 oktyabrgacha oyiga 1,8 mlrd dollarni tashkil etgan boʻlsa, oʻtgan yil oxirida bu koʻrsatkich 4,7 mlrd dollarga etgan. Ayni paytda esa kuniga 131 mln dollardan ziyod mablagʻ sarflanmoqda. Shuningdek, Isroilning “Xizbulloh” etakchisi va uning amakivachchasini oʻldirishga qancha sarflangani maʻʻlum boʻldi.

2023 yil 7 oktyabrgacha Isroilning harbiy xarajatlari oyiga 1,8 mlrd dollarni tashkil etgan boʻlsa, oʻtgan yil oxiriga kelib, Stokgolʻm xalqaro tinchlik tadqiqot institutiga koʻra, taxminan 4,7 milliard dollarni tashkil etgan.

Institut maʻʻlumotlariga koʻra, Isroil oʻtgan yili oʻz harbiylarini moliyalashtirish uchun 27,5 mlrd dollar sarflagan.

Armiya vakilining taʻʻkidlashicha, TsAXAL bir kunlik jang uchun yaqin vaqtgacha 400 million shekel (105,4 mln dollardan ziyodroq) sarflagan, ammo urush shimoldan Livangacha kengayishi bilan xarajatlar ortib, kuniga yarim milliard shekeldan (131 mln dollardan ziyodroq) oshgan. Va bu xarajatlar yaqin kelajakda ular yanada koʻpayishi mumkin.

Shu jumladan, sentyabrʻ oyi boshidan, ayniqsa shimoliy frontda urush kengayganidan va 1 oktyabrda Livan janubida quruqlikdagi operatsiya boshlanganidan keyin Isroil harbiy xarajatlari taxminan 6,8 mlrd dollarga oshgan.

Ynet nashrining yozishicha, birgina “Hizbulloh” etakchisi Nasrullohni oʻldirishga 6,8 mln dollar (taxminan 10 soniya vaqt va 80 tonna bomba), uning amakivachchasi Safi ad-Din oʻldirilgani aytilayotgan hujumga esa 5,4 million dollar sarflangan.

Qayd etilishicha, Isroil iqtisodiyoti shimoliy va janubiy jabhalarda urushning yana uzoq davom etishiga dosh berishi qiyin boʻladi. Manbalarning fikricha, hukumat kelasi yil uchun harbiy byudjetni oshirish choralarini koʻrishi kerak.