Isroil cheklovlariga qaramay, Al-Aqsoda 120 ming falastinlik juma namozini ado etdi
Isroil tomonidan qoʻyilgan barcha toʻsiqlarga qaramay, 120 mingga yaqin falastinlik musulmonlar uchun muqaddas Ramazon oyidagi ikkinchi juma namozini Al-Aqso masjidida ado etdi.
Oʻn minglab falastinliklar 22 mart kuni ertalab Gʻarbiy Sohil
va Quddus oʻrtasidagi harbiy nazorat punktlaridan oʻtdi.
Koʻp soatlik yoʻl yurgan falastinliklar Al-Aqso masjidiga etib
kelishdi va Ramazon oyida ikkinchi juma namozini oʻqishdi.
Isroil politsiyasi ertalabdan ishgʻol qilingan Sharqiy Quddusning
Al-Aqso masjidi joylashgan Eski shahar atrofidagi yoʻllarni temir toʻsiqlar bilan oʻrab oldi.
Isroil xavfsizlik kuchlari juma namozi uchun islomiy
ziyoratgohga kirmoqchi boʻlgan falastinliklarning hujjatlarini tekshirib, ularning
koʻpchiligini yosh cheklovlari tufayli qaytardi.
Isroil politsiyasining aralashuvi tufayli Al-Aqso masjididan
chiqayotgan falastinliklar bilan xavfsizlik kuchlari oʻrtasida vaqti-vaqti bilan
janjal kelib chiqdi.
Quddus Islomiy vaqflar boshqarmasi maʻʻlumotlariga koʻra, 120
ming falastinlik Al-Aqso masjidida juma namozini oʻqigan.
.png)
Mavzuga aloqador
-
Sharqiy Quddusdagi Al-Aqso masjidida toʻqqiz haftadan buyon Isroil kuchlari tomonidan juma namozini oʻqishga toʻsqinlik qilinmoqda.
-
Isroil cheklovlariga qaramay, 35 ming falastinlik Masjidul Aqsoda xufton va tarovih namozlariga saf tortdi. Isroil kuchlari Masjidul Aqsoga kirmoqchi boʻlgan yosh yigitni kaltaklab, hibsga olgani aytilmoqda.
