Iroq 37 yil ichida birinchi marta aholini roʻyxatdan oʻtkazadi

Iroq 37 yil ichida birinchi marta butun mamlakatni, jumladan Iroq Kurdistoni mintaqaviy hukumati viloyatlarini qamrab olgan ikki kunlik umumiy aholini roʻyxatga olishni boshladi.

Iroq Rejalashtirish vazirligi Kirkuk aholini roʻyxatga olish boshqarmasi direktori Mustafo Ekremning "Anadolu" agentligiga maʻʻlum qilishicha, Kerkuk va butun Iroqda aholini roʻyxatga olish boshlangan.

Uning aytishicha, oilalar haqida maʻʻlumotlar 4 kun avval kela boshlagan, bugundan boshlab ular uylarga borib, avvalroq olingan maʻʻlumotlarni tahlil qilmoqda.

Bu maʻʻlumotlarga koʻra, Kerkukda 2 kun davom etadigan uyma-uy oʻrganish uchun 5 600 davlat xodimi ajratilgan.

Kerkuk aholisini bir million 800 ming kishi atrofida deb taxmin qilganliklarini ifoda etgan Ekrem, aholini roʻyxatga olish natijasida shaharning aniq aholisi aniqlanishini aytdi.

Iroqda aholini roʻyxatga olish har 10 yilda bir marta oʻtkazilishi kerak edi, ammo 2003 yilda AQShning mamlakatga bostirib kirishidan keyin sodir boʻlgan zoʻravonliklar tufayli buning iloji boʻlmadi.

20-21 noyabrʻ kunlari davom etadigan umumiy aholini roʻyxatga olish uchun 2 kunlik komendantlik soati joriy etildi.

Aholini roʻyxatga olishda byudjetni rejalashtirish, rivojlanish loyihalari, parlament va viloyatlar majlisidagi oʻrinlar soni koʻrib chiqiladi.

Elektron koʻrinishda oʻtkaziladigan aholini roʻyxatga olishda etnik va mazhabga oid masalalar kiritilmaydi.

Iraq Body Count Amerika-Britaniya nodavlat tashkiloti maʻʻlumotlariga koʻra, AQShning Iroq ishgʻolini boshlagan 2003 yildan 2007 yil dekabrigacha mamlakatda 128 mingga yaqin tinch aholi halok boʻlgan. Opinion Research Business hisob-kitoblariga koʻra esa 946 mingdan 1 mln 120 ming nafargacha iroqlik halok boʻlgan.