Irlandiya bosh vaziri: Evropa Ittifoqi ishonchni yoʻqotdi

Irlandiya bosh vaziri Evropa Ittifoqi Gʻazo sektoridagi voqealar boʻyicha qatʻʻiy va yagona pozitsiyani egallay olmagani uchun oʻziga boʻlgan ishonchni yoʻqotganini taʻʻkidladi.

Irlandiya bosh vaziri Leo Varadkar payshanba kuni Bryusselda Evropa Ittifoqi yigʻilishi oldidan jurnalistlarga Irlandiya sammitning yakuniy bayonotini mustahkamlash uchun Falastinni qoʻllab-quvvatlashga harakat qilishini aytdi, deya xabar berdi IRNA.

Uning soʻzlariga koʻra, soʻnggi ikki oy ichida Evropaning Gʻazo sektoridagi voqealar boʻyicha pozitsiyasi oʻzgargan va Irlandiyaning Falastinni qoʻllab-quvvatlash boʻyicha uzoq yillik pozitsiyasiga yaqinlashgan. “Evropa Ittifoqi Falastin va Isroil masalasida kuchli va yagona qaror pozitsiyani egallay olmaganimiz tufayli ishonchni yoʻqotdi”, - deya qoʻshimcha qildi u.

Irlandiya bosh vaziri evropalik va amerikalik yoshlarning Falastin masalasiga moyilligini taʻʻkidlab, bu masalani Gʻarb blokidagi muhim siyosiy va ijtimoiy rivojlanish sifatida baholadi.

"Evropa rahbarlari bu muammodan xabardor boʻlishlari kerak, biz sammitning yakuniy bayonotida terrorizmni qoralashdan tashqari, gumanitar sulh (Gʻazo sektorida) va falastinliklar uchun adolatni talab qiladigan kuchliroq tilga muhtojmiz", - deya qoʻshimcha qildi Leo Varadkar.

Evropa Kengashi prezidenti Sharlʻ Mishelʻ bir necha kun avval Evropa etakchilariga yoʻllagan maktubida: "Gʻarbiy Osiyodagi rivojlanish sammitimiz kun tartibida asosiy oʻrinlardan birini egallaydi. Biz barcha mahbuslarni ozod qilishni va Gʻazo sektoridagi xavotirli gumanitar vaziyatga jiddiy eʻʻtibor berishni talab qilishimiz kerak", - degan edi.