Iordaniya Isroilga quruqlikdan yuk tashish loyihasiga aloqadorligini rad etdi

Avvalroq Isroil oʻz yuklarini BAA, Saudiya Arabistoni va Iordaniya orqali quruqlikdan olib oʻtayotgani xabar qilingan edi.

Iordaniya Transport, sanoat va savdo vazirligi BAA, Saudiya Arabistoni va Iordaniya hududi orqali Isroilga quruqlikdan yoʻl ochilgani haqidagi xabarlarni rad etdi.

Iordaniyaning “Petra” axborot agentligi vazirlik bayonotiga asoslanib, Qizil dengizdan Dubay portlari orqali Isroilga yuklarni etkazib berishning “muqobil quruqlik yoʻli” haqidagi maʻʻlumotlar “mutlaqo yolgʻon” ekanini maʻʻlum qildi.

Nashrning hukumatdagi manbalari “bu ayblovlar rad etilgan va Isroilning shafqatsiz agressiyasi fonida Gʻazo sektorida sodir boʻlayotgan voqealar boʻyicha Iordaniyaning qatʻʻiy pozitsiyasini chalkashtirib yuborishga moʻljallangan”, deb taʻʻkidladi.

Avvalroq Isroilning Walla sayti Fors koʻrfazidan BAA, Saudiya Arabistoni va Iordaniya orqali Isroilga olib boruvchi quruqlikdagi transport yoʻnalishining sinov operatsiyasi muvaffaqiyatli boshlangani haqida xabar bergan edi. Logistika koʻprigi Yamandagi xutiy isyonchilari Isroilga yoʻl olgan barcha kemalarning Qizil dengizdan oʻtishini taqiqlagani sababli Suvaysh kanaliga muqobil boʻlishi uchun moʻljallangan.

Isroil matbuotidagi maʻʻlumotlarga koʻra, birinchi oʻnta yuk mashinasi Fors koʻrfazidan Isroilga yangi yoʻlak boʻylab muvaffaqiyatli yoʻl olgan.

Isroil matbuoti yangi quruqlik koridori yahudiy davlati hukumati tomonidan tasdiqlanganini daʻʻvo qilmoqda. Shu bilan birga, u Suvaysh kanali orqali oʻtadigan yoʻnalishga nisbatan yuklarni etkazib berish muddatini 80 foizga qisqartirishi kutilmoqda. Yuk mashinalari Fors koʻrfazidan Isroilgacha boʻlgan masofani ikki kunu bir necha soatda bosib oʻtgani aytilmoqda.

Mavzuga aloqador

Eng ko‘p o‘qilgan

Tavsiya qilingan

Reklama