Hindistonda musulmonlarga qarshi ishlatilishi mumkin boʻlgan qonun qabul qilindi

Hindistonda asosan musulmonlar yashaydigan Afgʻoniston, Bangladesh va Pokistonda diniy taʻʻqiblar tufayli Hindistonga qochib ketgan hindular, parsilar, sikxlar, buddistlar, jaynlar va nasroniylarga fuqarolikni berishni koʻzda tutuvchi qonun qabul qilindi. Ushbu hujjat shimoli-sharqiy shtatlardagi musulmonlarni fuqarolikdan chiqarish uchun ham ishlatilishi mumkin.

Modi hukumati fuqarolikka tegishli hujjatlarga Hindiston shimoli-sharqiy shtatlardagi musulmonlarni fuqarolikdan mahrum qilish uchun ishlatilishi mumkin boʻlgan tuzatishlar kiritilishini maʻʻqulladi.

Fuqarolikni oʻzgartirish toʻgʻrisidagi qonun asosan musulmonlar yashaydigan Afgʻoniston, Bangladesh va Pokistonda diniy taʻʻqiblar tufayli Hindistonga qochib ketgan hindular, parsilar, sikxlar, buddistlar, jaynlar va nasroniylarga Hindiston fuqaroligini beradi.

Modi hukumati qonun 2019 yil dekabrʻ oyida qabul qilinganidan keyin Nʻyu-Dehli va boshqa shaharlarda norozilik namoyishlari boʻlib oʻtgani sababli uni tatbiq eta olmagan edi. Bir necha kun davom etgan toʻqnashuvlarda oʻnlab odamlar halok boʻldi, yuzlab kishilar yaralandi.

Inson huquqlari va musulmon guruhlarining fikricha, qonun Hindistonda istiqomat qiluvchi 200 mln musulmonga nisbatan diskriminatsiyaga olib kelishi mumkin. Baʻʻzilar hukumat baʻʻzi chegara shtatlarida hujjatsiz musulmonlarni fuqarolikdan mahrum qilishi mumkinligidan qoʻrqishmoqda.

Hukumat bayonotida "qonun haqida koʻplab notoʻgʻri tushunchalar" borligi va uni tatbiq etish COVID-19 pandemiyasi tufayli kechiktirilgani taʻʻkidlandi.

Shuningdek, hukumat musulmonlarga qarshi kayfiyat yoyilayotganini rad etib, bu qonun musulmonlar yashovchi mamlakatlarda taʻʻqibga uchragan ozchiliklarga yordam berish uchun zarurligini qayd etdi.

Modi 2014 yilda hokimiyat tepasiga kelganidan buyon iqtisodiy oʻsish, infratuzilmani rivojlantirish va tajovuzkor hind millatchiligini taʻʻminlab, oʻz pozitsiyasini mustahkamladi. Ijtimoiy soʻrovlar may oyida boʻlib oʻtadigan umumiy saylovlarda koʻpchilik oʻrinni egallashi mumkinligini koʻrsatmoqda.

Mavzuga aloqador

Eng ko‘p o‘qilgan

Tavsiya qilingan