HAMAS rossiyalik asirni ozod qilishga vaʻʻda berdi

HAMAS harakati Moskvaga Gʻazodagi garovga olingan Rossiya fuqaroligiga ega Aleksandr Trufanovni ozod qilishga qatʻʻiy vaʻʻda berdi. RFning Isroildagi elchisi Trufanov Gʻazoda asirlikda boʻlgan yagona rossiyalik ekanligini taʻʻkidladi.

HAMAS harakati Moskvaga Gʻazodagi garovga olingan Rossiya fuqaroligi Aleksandr Trufanovni ozod qilishga qatʻʻiy vaʻʻda berdi, deb yozadi “RIA Novosti” Rossiyaning Isroildagi elchisi Anatoliy Viktorovga tayanib.

Diplomat Trufanov Gʻazoda asirlikda boʻlgan yagona rossiyalik ekanligini taʻʻkidladi. Shu tariqa Viktorov yana bir garovga olingan Maks Xarkinning Rossiya fuqaroligiga ega ekanligi haqidagi avvalroq matbuotda eʻʻlon qilingan xbarlarni rad etdi.

Nashrlarning qayd etishicha, Xarkinning qarindoshlari u qoʻlga olingandan soʻng fuqarolik olishi uchun maxsus Moskvaga kelgan.

«Rossiya-24» telekanali efirida Viktorov Trufanov jarohat olgan boʻlishi mumkinligini qoʻshimcha qildi. Biroq uning ahvoli qoniqarli deb baholanmoqda. Elchining taxminicha, erkak bir oy ichida ozod etilishi mumkin.

HAMAS avvalroq Trufanov va Gʻazoda qolgan boshqa garovga olinganlar isroillik askarlar ekani va oxir-oqibat tuzilgan almashish kelishuvi doirasida ozod etilishi mumkinligi haqida xabar bergan edi.