Gollandiya sudi Isroilga qiruvchi samolyotlariga ehtiyot qismlari etkazib berilishini oqladi

Gollandiya sudi inson huquqlari tashkilotlarining Isroil Gʻazo sektoridagi urushda foydalanayotgan F -35 qiruvchi samolyotlari uchun ehtiyot qismlar etkazib berish boʻyicha daʻʻvosini rad etdi, deya xabar bermoqda Al Jazeera.

Gaaga okrug sudi juma kuni eksportni toʻxtatmaslik haqida qaror chiqardi. Ehtiyot qismlarni etkazib berish, birinchi navbatda, sudʻyalar aralashmasligi kerak boʻlgan siyosiy qarordir, deya asoslandi.

"Vazir tomonidan bildirilgan fikrlar asosan siyosiy xususiyatga ega va sudʻyalar vazirga koʻproq erkinlik berishi kerak", - deb tushuntirdi sud oʻz qarorini.

AQShga tegishli boʻlgan F-35 qismlari Gollandiyadagi omborda saqlanadi va keyin mavjud eksport shartnomalari boʻyicha bir nechta sheriklarga, jumladan Isroilga joʻnatiladi.

Biroq, nohukumat tashkilotlar, jumladan Amnesty International va Oxfam mahalliy boʻlimlari taʻʻminot zanjirida qatnashishi ham Niderlandiyani urushda ishtirok etishini anglatishini taʻʻkidlamoqda.

Bu ehtiyot qismlar "haqiqiy uylar va haqiqiy oilalarga haqiqiy bomba tashlash imkonini beradi", - dedi Oxfam Novib direktori Mishel Servaes.