Gʻazodagi ommaviy qabrlardan 190 kishining jasadi qazib olindi
Isroil armiyasi Nasir kasalxonasiga bosqin paytida turli yoshdagi 190 nafar halok boʻlgan
falastinlik erkagu ayolni ommaviy
qabrlarga dafn qilgani
maʻʻlum boʻldi. 500 ga
yaqin kishi hali ham bedarak yoʻqolgan deb hisoblanmoqda.
Isroil
armiyasi Gʻazo sektori janubidagi Xon Yunus shaharchasidan olib chiqilgach, Nasir
kasalxonasi majmuasidagi ommaviy qabrdan 190 kishining jasadi chiqarildi.
Sogʻliqni saqlash manbalarining Falastinning WAFA rasmiy
xabar agentligiga maʻʻlum qilishicha, qidiruv-qutqaruv guruhlari Nasir kasalxonasi
majmuasidagi ommaviy qabrdan Isroil kuchlari tomonidan oʻldirilgan turli yoshdagi
190 nafar erkak va ayolning jasadini qazib oldi.
Xabarda aytilishicha, Isroil armiyasi Nasir kasalxonasiga
uyushtirilgan reyd chogʻida halok boʻlgan falastinliklarni qurilish jihozlari
yordamida shifoxona atrofida ochilgan ommaviy qabrlarga koʻmib, 500 ga yaqin
odamning hamon bedarak yoʻqolganligini taʻʻkidladi.
Isroil qoʻshini tomonidan 4 oydan beri bombardimon qilingan
Xon Yunusda yoʻllar, koʻchalar va uylar vayronalari ostida koʻp sonli jasad qolmoqda.
