Gʻazoda kamida 70 nafar isroillik asir oʻz hukumati tomonidan oʻldirildi
Gʻazo sektorida Isroil ishgʻolchi kuchlarining hujumlari natijasida kamida 70 nafar isroillik asir halok boʻlgan. HAMAS fikricha, Isroil aslida asirlarni ozod qilmoqchi emas, balki hammasini oʻldirish uchun harakat qilmoqda.
Gʻazo
sektoridagi kamida 70 nafar isroillik garovga olingan Isroil ishgʻolchi
kuchlarining Falastin anklavidagi hududlarga qilgan hujumlari natijasida halok
boʻldi. Bu haqda Izzad-Din al-Qassam brigadasi matbuot kotibi Abu Ubayda
maʻʻlum qildi.
“Isroil armiyasining Gʻazo sektoridagi harakatlari natijasida
halok boʻlgan garovga olinganlar soni 70 nafardan oshishi mumkinligini
tasdiqlaymiz”, dedi Abu Ubayda.
Qayd etilishicha, HAMAS vakillari mahbuslar hayotini saqlab
qolishga harakat qilgan, biroq Netanyaxu hukumati oʻz aholisini aldamoqda va
aslida mahbuslarni ozod qilishga urinmayapti, aksincha, ularni oʻldirmoqchi.
Unga koʻra, shu yoʻl bilan sionistik hukumat minglab falastinliklarni
ishgʻol zindonlaridan ozod qilmaslik uchun Qarshilik kuchlari bilan almashish kelishuvidan
qochishni maqsad qilgan.
Abu Ubaydaning
taʻʻkidlashicha, "HAMAS
omon qolgan boshqa asirlar
uchun talab qiladigan badal
barcha garovga olinganlar, shu jumladan halok boʻlganlar uchun ham bir xil
boʻladi".
Mavzuga aloqador
-
Isroil matbuoti 7 oktyabrʻ kuni Isroilning Gʻazo sektori bilan chegaradosh hududlarida “doʻstona otishma” natijasida bir necha harbiy va tinch aholi halok boʻlganini maʻʻlum qildi.
-
HAMAS tomonidan asirga olingan isroilliklarning yaqinlari Isroil parlamenti – Knessetga bostirib kirib, deputatlardan Gʻazodagi mahbuslar ozod etilishi uchun koʻproq choralar koʻrilishini talab qilishdi.
