Bombalar ostidagi Gʻazo: 129‑kunning asosiy voqealari

Isroil tomonidan Gʻazo sektorida qatliom boshlanganiga 129 kun boʻldi. Oʻtgan kunning asosiy voqealari dayjesti.

Isroil tomonidan Gʻazo sektorida qatliom boshlanganiga 129 kun boʻldi. Oʻtgan 24 soat davomida sodir boʻlgan asosiy voqealar tafsiloti.

▪ Ishgʻolchilar Rafaksdagi koʻchirilganlar lagerlarini ommaviy bombardimon qilishni boshladi. 100 dan ortiq odam, jumladan, koʻp sonli bolalar halok boʻldi, yuzlab odamlar yaralandi. Shuningdek, Dayr al-Balah va Gʻazo markaziga ham hujumlar uyushtirildi.

▪ 7 oktyabrdan buyon Isroilning Gʻazodagi hujumlari natijasida halok boʻlgan falastinliklar soni 28 mingdan oshib, 28 176 nafarga, jarohatlanganlar esa 67 784 nafarga etdi.

▪ HAMAS: Gʻazo janubidagi Rafax shahriga bosqinchilarning hujumi genotsid urushi va majburiy koʻchirishga urinishlarning davomi hisoblanadi. AQSh maʻʻmuriyati va prezident Jo Bayden shaxsan bu qirgʻin uchun ishgʻol hukumati oldida toʻliq javobgarlikni oʻz zimmasiga oladi.

▪ Bosqinchilar Gʻazo shahridagi Tal al-Hava va Al-Rimal hududlaridan olib chiqib ketilgandan soʻng 100 ga yaqin falastinliklarning jasadlari topildi, ularning aksariyati snayper oʻqlaridan halok boʻlgan.

▪ Isroil matbuoti: Armiyamiz Xon Yunis janubi-sharqida puxta rejalashtirilgan pistirmaga tushib qoldi. Oʻlganlar va yaradorlarni tashish uchun bir necha soat kerak boʻldi. Baʻʻzi maʻʻlumotlarga koʻra, 11 nafargacha askar yoʻq qilingan.

▪ Isroil armiyasi HAMAS tomonidan asirlikda saqlanayotgan ikki fuqarosi Fernando Simon Marman (60 yosh) va Luis Xarr (70 yosh) Rafaxda armiya, ShABAK va maxsus politsiya boʻlinmasi operatsiyasi davomida ozod qilinganini bildirdi.

▪ Isroil Xalqaro musulmon ulamolari ittifoqi prezidenti Ali al-Qoradogʻiyni bir guruh olimlar bilan birga Rafax posti orqali Gʻazoga tashrif buyurish niyati borligi haqidagi bayonoti uchun oʻldirish bilan tahdid qilmoqda.

▪ Misr ogʻir texnikalarini Gʻazo chegarasiga olib boradi.

▪ Xusiylar Yaman qirgʻoqlaridan 40 dengiz mili uzoqlikda joylashgan ikkita kemaga hujum qildi. Kemalarning Marshall orollari bayrogʻi ostida suzib yurgani maʻʻlum.

 

Mavzuga aloqador

Eng ko‘p o‘qilgan

Tavsiya qilingan

Reklama