Bombalar ostidagi Gʻazo: 123‑kunning asosiy voqealari

Isroil tomonidan Gʻazo sektorida qatliom boshlanganiga 123 kun boʻldi. Oʻtgan kunning asosiy voqealari dayjesti.

▪ Gʻazo qirgʻinining 125-kuni bosqinchilar Rafax, Dayr al-Balahiy va Xon Yunisga hujum qildi. Kun davomida 16 ta ommaviy qotillik sodir etildi, 123 kishi halok boʻldi. Qurbonlar soni 27 708, yaradorlar soni 67 147 nafarga oshdi.

▪ Bosqinchilar Nosir kasalxonasi yaqinida shiddatli oʻt ochmoqda, snayper oʻqidan ikki falastinlik halok boʻldi. Amal kasalxonasi 18 kundan beri bosqinchilar tomonidan qamalda, qolgan bemorlar hamda koʻchirilganlar oziq-ovqat va suvdan mahrum.

◾Al-Quds brigadasi Xon Yunis shahri gʻarbidagi uyda yashiringan 10 nafar askardan iborat maxsus sionist otryadga hujum qildi. Gʻazo shahrida Merkava tanki ham portlatilgan.

▪ Norvegiya Gʻazodagi halokatli vaziyatga qarshi kurashish uchun YuNRVAga 26 million dollar ajratdi.

▪ HAMAS Gʻazoda asirlar almashinuvi va oʻt ochishni toʻxtatish boʻyicha uch bosqichli rejani qabul qildi. Har bir bosqichning 45 kundan iborat boʻlishi aytildi.

▪ BMT: Biz ishgʻol ostidagi quruqlikdagi qoʻshinlarning Gʻazo janubidagi Rafax tomon oldinga siljishi munosabati bilan aholi taqdiridan chuqur xavotir bildiramiz. Misr bilan toʻgʻridan-toʻgʻri chegarada joylashgan hududda hozir milliondan ortiq aholi istiqomat qilmoqda.

▪ Iordan daryosining gʻarbiy sohilidagi “Nur‑Shams” lagerida Isroil tomonidan oʻtkazilgan reyd davomida “Al-Aqso shahidlari” brigadasi etakchisi Mutasam Ali halok boʻldi.

▪ Husiylar: Amerika-Britaniya tajovuzi Xodayda va Saada viloyatiga zarba berdi.

▪ Gʻazoda saraton kasalligiga chalingan 10 ming nafar bemor 4 oydan ortiq vaqt davomida dori vositalari va davolanishdan mahrum qolayotgani maʻʻlum qilindi.

Mavzuga aloqador

Eng ko‘p o‘qilgan

Tavsiya qilingan