Bombalar ostidagi Gʻazo: 123‑kunning asosiy voqealari

Isroil tomonidan Gʻazo sektorida qatliom boshlanganiga 123 kun boʻldi. Oʻtgan kunning asosiy voqealari dayjesti.

▪ 24 soat davomida bosqinchi Isroil Gʻazo sektoridagi Rafaksi (bu erda bir milliondan ortiq qochqinlar bor), Xon Yunis va shimoliy hududlariga shafqatsiz zarbalar berdi. Kun davomida bosqinchilar 13 ta qirgʻin sodir etdi, 113 kishi halok boʻlgan, 205 kishi yaralangan.

▪ 7 oktyabrdan beri Isroilning Gʻazodagi hujumlarida 27 478 kishi, asosan ayollar va bolalar halok boʻldi, 66 835 falastinlik yaralandi.

▪ YuNISEF: Rafax shahrining yoʻl va koʻchalarida 1,3 millionga yaqin aholi, jumladan, 610 mingga yaqin bolalar yashamoqda.

▪ JSST: Gʻazo shimolidagi Ahli kasalxonasi, uning atrofida janglar kuchayganligi sababli Shifa kasalxonasining ahvoli yomonlashganidan soʻng yaradorlar oqimini qabul qildi. Ahli kasalxonasi xodimlari holdan toygan, bemorlar vaqtinchalik xonalarda davolanmoqda.

▪ Bosqinchilar Gʻazo shimolida gumanitar yordam uchun navbatda kutayotgan falastinliklarga oʻq uzdilar.

▪ Bosqinchilar Gʻazoning shimoliy qismiga yoʻl olgan UNRWA oziq-ovqat yuk mashinasiga hujum uyushtirdi.

▪ Madrid UNRWAni qoʻllab-quvvatlashda davom etishini hamda agentlikka qoʻshimcha 3,8 million dollar yordam yuborishini maʻʻlum qildi.

▪ Iordan daryosining gʻarbiy sohilida bosqinchilar Nablus, Jenin, Erixo, Qalqilyaga bostirib kirib, falastinliklar hibsga olindi. Xevronda ikki nafar 14 yoshli bola hibsga olingan.

▪ Yamanning Hudayda gʻarbida Hussiy dronlari hujumi natijasida Britaniya yuk kemasi zarar koʻrdi. Shuningdek, Yaman harbiy kuchlari Qizil dengizda Amerika va Britaniya kemalariga ham hujum qildi.

▪ Xitoyning BMT Xavfsizlik Kengashidagi delegati: Yaqin Sharqda keskinlikning kuchayishiga asosiy sabab Gʻazoda oʻt ochishni toʻxtatish kelishuviga rioya qilinmagani.

▪ Bosqinchi ommaviy axborot vositalari: Isroil harbiylari yaqin haftalar yoki oylar ichida Livanga quruqlikdan bostirib kirishga tayyorlanmoqda.

▪ Bayden Isroilga yordam berishda qonun loyihasiga qarshi veto huquqidan foydalanishini maʻʻlum qildi.

Mavzuga aloqador

Eng ko‘p o‘qilgan

Tavsiya qilingan

Reklama