Bombalangan G'azo: 272-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 272 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Xon Yunis, Shujayi hududi va Nuseyrat lageriga hujum qildi. 24 soat ichida 45 kishi halok boʻldi, 125 kishi yaralandi. Urush boshlanganidan beri 37 953 kishi halok boʻldi.

▪️Gʻarbiy Sohilda bosqinchilar Falastin erlarining soʻnggi 30 yildagi eng yirik bosib olinishini maʻʻqulladi.

▪️Al-Qassam brigadalari Shujayi hududida bosqinchilar boʻlgan binoni portlatib yubordi.

▪️Hizbulloh boʻlinma komandiri Muhammad Nosirning bosqinchilar tomonidan oʻldirilganiga javoban Isroil pozitsiyalariga 100 dan ortiq «Katyusha» raketalarini otdi.

▪️ The New York Times: Qatar Hamasdan Baydenning taklifiga ijobiy javob oldi.

▪️YuNRVA: Soʻnggi 3 kun ichida Isroilning Mavasi lageriga uyushtirgan hujumlari tufayli 250 ming falastinlik hududni tark etishga majbur boʻldi.

▪️Gʻazo shimolidagi Jabaliya lagerida oziq-ovqat va suv etishmasligi tufayli vaziyat halokatli darajaga etdi.

▪️Falastin tarafdori faollar Avstraliya parlamenti tomiga “Falastin daryodan dengizgacha ozod boʻladi”, “Unutmaymiz, kechirmaymiz va qarshilik koʻrsatishda davom etamiz” degan yozuvli plakatlarni ochib qoʻyishdi.

▪️Rossiyaning BMTdagi vakili Vasiliy Nebenzya: Rossiya Falastinga gumanitar yordam koʻrsatishda davom etadi.

Mavzuga aloqador

Eng ko‘p o‘qilgan

Tavsiya qilingan

Reklama