Bombalanayotgan Gʻazo: 441-kunning asosiy voqealari

Bombalanayotgan Gʻazo: 441-kunning asosiy voqealari 

Isroil Gʻazo sektorida bosqinchilik va qirgʻinbarot urushini boshlaganiga 441 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

Bosqinchilar Bayt Lahiya, Rafah, Shati, Jabaliya va Nuseyrat lagerlariga hujum qildi. Bir kun ichida 56 kishi halok boʻldi, ulardan 43 nafari Gʻazo shimolida. Urush boshlanganidan buyon 45129 kishi shahid boʻldi.

▪️Bosqinchilar Gʻazo shahrida koʻchirilganlar joylashgan ikkita maktabga hujum qilishdi, 15 kishi halok boʻldi, 30 kishi yaralandi.

▪️Al-Qassam Brigadalari: Bizning jangchimiz Jabaliya lageri hududida 1 ofitser va 3 askarni nolʻ masofadan yoʻq qildi. Gʻazoda birinchi marta "pichoqli hujum" sodir boʻldi.

▪️Husiylar: Gʻazo jangchilarini qoʻllab-quvvatlash uchun Isroil dushmani bilan uzoq urushga tayyormiz. Bizga nisbatan tajovuz qilish bizni xavotirga solmaydi, chunki bizning pozitsiyamiz printsipialdir. Bu hafta Yafa, Asqalon va boshqa hududlarda ishgʻol nishonlariga zarbalar berdik. Bosqinchi Mudofaa vazirligiga hujum qilib, Eylat portini butunlay falaj qilib, Isroil iqtisodiyotiga jiddiy zarar etkazdik.

▪️Chegara bilmas shifokorlar: Gʻazo sektorida falastinliklarga qarshi etnik tozalashning aniq belgilarini koʻryapmiz.

▪️Gʻarbiy Sohilda Tulkarmda ishgʻolchilar tinch aholiga moʻljallangan avtomobilni bombardimon qilishdi, natijada 4 nafar falastinlik halok boʻldi. Balata lagerida keksa bir falastinlik halok boʻldi. Salfitda koʻchmanchilar masjidga oʻt qoʻyishgan. Jenin shahrida qarshilik jangchilari va Falastin maʻʻmuriyati kuchlari oʻrtasida jang ketmoqda.

▪️Germaniya Tashqi ishlar vazirligi: Biz Gʻazoning bosib olinishi yoki koʻchirilishini rad etamiz. Falastinliklar oʻz yurtlaridan quvib chiqarilmasligi kerak. Biz Falastinliklarga ularning irodasidan oshib ketadigan siyosiy echimning yuklanishini qabul qilmaymiz.

▪️Bosqinchilar Livan janubiga 6 marta zarba berishdi. 27 noyabrda sulh boshlanganidan beri bosqinchilar Livanga 259 ta hujum uyushtirgan.

▪️Ishgʻol ommaviy axborot vositalari: Armiyamiz Gʻarbiy Sohildagi qarshilikdan xavotirda. Chunki ular Gʻazoda Xamas va Livanda Hizbulloh qoʻllagan harbiy modellarga oʻxshash harbiy modellarni oʻzlashtira boshladilar.

▪️Marokash hukumati yosh falastinlik Nasim Xalibatni 2023 yilda Marokashda hibsga olinganidan soʻng bosqinchilarga topshirdi.