08.08.2024 14:01
630
Bombalanayotgan Gʻazo: 307-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 307 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Jabaliya lageri, Xon Yunis va Gʻazo markazidagi uylar va odamlar boʻlgan chodirlarga hujum qildi. 24 soat ichida 27 kishi shahid boʻldi.
▪️Gʻarbiy Sohilda ishgʻolchilar Balat, Nablus, Jenin va Xalil lagerlariga bostirib kirdi. 4 kishi jarohatlangan.
▪️Al-Qassam brigadalari Xon Yunis shahri sharqida piyoda ishgʻol otryadini yoʻq qildi.
▪️Husiylar Qizil dengizda 3 ta kemaga hujum qilishdi: AQShning ikkita USS Cole va USS Lassen esminetslari va Contship Ono savdo kemasiga.
▪️Turkiya Janubiy Afrika Respublikasining Xalqaro sudga kiritgan Isroilning Gʻazo aholisini genotsid qilishiga qarshi daʻʻvosiga rasman qoʻshildi.
▪️Britaniya tashqi ishlar vaziri Gʻazo boʻyicha: Tinch aholini ataylab ochlikdan oʻldirish urush jinoyati hisoblanadi.
▪️Gʻazo urushi boshlanganidan buyon Evropaning 605 shahrida Falastinni qoʻllab-quvvatlovchi 22 ming namoyish boʻlib oʻtdi.