Bombalanayotgan Gʻazo: 181-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 181 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️ Bosqinchilar Rafah, Dayr al-Balah va Xon Yunisga hujum qildi. Kun davomida 5 ta ommaviy qirgʻin sodir etdi, buning natijasida 62 kishi shahid boʻldi, 91 kishi yaralandi.

▪️ Qirgʻinbarot boshlangan 7 oktyabrdan buyon Isroil hujumlari natijasida jami 32 975 falastinlik, jumladan, 14280 nafar bola va 9340 nafar ayol halok boʻldi, 75 668 kishi jarohatlandi.

▪️ Isroil armiyasi hujumlari natijasida Gʻazoda yana ikki jurnalist – “Quddus ovozi” radiosi boshlovchisi va muharriri Muhammad es-Sayyid Abu Sahil hamda raqamli kontent muharriri Tariq es-Sayyid Abu Sahil halok boʻlgan. Bu bilan 2023 yil 7 oktyabrdan beri Gʻazo sektorida halok boʻlgan jurnalistlar soni 140 nafarga etdi.

▪️ Gʻarbiy Sohilda bosqinchilar Jenin, Baytlahm va Xalil lagerlariga bostirib kirishdi. Jeninda qarshilik kuchlari bosqinchilarga qarshi ikkita portlovchi moslamani ishga tushirdi.

▪️ Al-Qasam brigadalari: Kissifim, Sderot va Niramga raketa zarbasini berdik.

▪️ YuNRVA: Isroil Gʻazo shimoliga oziq-ovqat etkazib berishni toʻsib qoʻyishda davom etmoqda.

▪️ Human Rights Watch: Oktyabrʻ oyi oxirida Isroil armiyasining turar-joy binosiga uyushtirgan hujumida 106 falastinlik oʻldirilganini tekshirdik. Shubhasiz, bu urush jinoyati.

▪️ Isroillik garovga olinganlarning oilalari Isroil parlamentida norozilik namoyishi oʻtkazdi. Derazalarga boʻyoq surtib, Knesset aʻʻzolariga oʻz talablarini baqirgan namoyishchilar hukumatni HAMAS qoʻli ostidagi yaqinlarini ozod qilish uchun chora koʻrishga chaqirdi.

▪️ Jahon banki va BMTning qoʻshma hisobotida oktyabrdan yanvargacha boʻlgan davrda Gʻazo infratuzilmasiga etkazilgan zararlar qariyb 18,5 milliard dollarga baholanayotgani maʻʻlum qilindi.

▪️ Bir qancha musulmon tashkilotlari Jo Baydenning Isroilni qoʻllab-quvvatlagan siyosatiga norozilik sifatida Oq uyda tashkil etilgan iftorni boykot qilib, prezident qarorgohi tashqarisida oʻz iftorliklarini uyushtirdi. Tadbir “Oq uyning oʻt ochishni toʻxtatish toʻgʻrisidagi xalq iftori” deb nomlandi.

▪️ Urush boshlanganidan buyon Turkiya Gʻazoga 42 ming tonna insonparvarlik yordamini yubordi. Umumiy yordamning 23 foizini etkazgan Turkiya BAAdan keyingi ikkinchi davlat boʻldi.

▪️ AQSh prezidentining Yaman boʻyicha maxsus vakili Tim Lenderking Qoʻshma Shtatlar husiylar Qizil dengizdagi kemalarga hujumlarini toʻxtatsa, ularni terrorchilik tashkilotlari roʻyxatidan olib tashlashi mumkinligini bildirdi.

 

Mavzuga aloqador

Eng ko‘p o‘qilgan

Tavsiya qilingan

Reklama