Bombalanayotgan Gʻazo: 178-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 178 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️ Kun
davomida Gʻazoning turli qismlari, jumladan, Xon Yunisda ishgʻolchilar va qarshilik
kuchlari oʻrtasida qizgʻin janglar boʻlib oʻtdi. Isroil bombalari 77 kishining hayotiga
zomin boʻldi, 108 kishi jarohatlandi.
▪️ Gʻazo
sektoridagi “Al-Aqso shahidlari” kasalxonasiga uyushtirilgan hujumlar natijasida 4
kishi falastinlik halok boʻldi, 17 nafari jarohatlandi.
▪️ Gʻarbiy
Sohildagi Tal-Az-Sabada ishgʻolchilar HAMAS etakchisi Ismoil Haniyaning opasining
uyiga hujum qilib, soʻngra ayolni hibsga oldi.
▪️
Ishgʻolchilar 2 haftalik qamaldan soʻng Gʻazodagi Shifa kasalxonasi va uning atrofini
tark etdi. Tark etishdan avval shifoxona binolaridan birini yoqib yubordi. Mahalliy
aholining soʻzlariga koʻra, shifoxona hovlisi va atrofidan 100 dan ortiq
shahidlarning jasadi topilgan.
▪️ AQSh Harbiy
Havo Kuchlarining amerikalik uchuvchisi Lappi Xept Gʻazodagi xavfli vaziyatga
eʻʻtibor qaratish maqsadida ochlik eʻʻlon qildi.
▪️ Ishgʻol
ostidagi Xalilda (Xevron) 19 yoshli falastinlik Moamman Fayoz Al-Makalma pichoq
bilan uch bosqinchi askarini jarohatladi. Moamanning oʻzi halok boʻldi.
▪️ Quddusda
100 mingga yaqin odam Netanyaxu va uning hukumatiga qarshi norozilik bildirish uchun
namoyishga chiqdi.
▪️ AQSh
Markaziy qoʻmondonligi (CENTCOM) Gʻazo shimolidagi hududlarga havodan 50 mingdan ziyod
portsiya ekvivalentidagi oziq-ovqat va suv koʻrinishidagi insonparvarlik yordamini
tashladi.
▪️ Isroil
havo kuchlari Suriya poytaxti Damashq hududidagi bir qancha nishonlarga zarba berdi.
Hujum natijasida bir qancha tinch aholi vakillari jarohatlangan, mol-mulklarga
zarar etgan. Suriya havo hujumidan mudofaa tizimlari dushmanning bir nechta
raketalarini urib tushirgan.