Arbain marosimini nishonlab qaytayotgan pokistonlik ziyoratchilarning uchra avtobusi halokatga uchradi: oʻnlab qurbonlar bor

Iroqda Arbain marosimini nishonlab qaytayotgan pokistonlik shialarning uchta avtobusi halokatga uchradi. Ularda kamida 38 kishi halok boʻldi, oʻnlab ziyoratchilar jarohatlandi. Pokistonliklar marosimga borishda ham halokatga uchragandi.

Iroqdagi Arbain xotirlash marosimidan qaytayotgan pokistonlik shialarning yana bir avtobusi Eron hududida halokatga uchradi. Hodisada kamida uch kishi hayotdan koʻz yumdi, 48 kishi jarohatlandi. Bu bir kun ichida pokistonlik shia ziyoratchilarni olib ketayotib YTHga uchragan uchinchi avtobusdir.  

Eronning IRNA rasmiy xabar agentligi yakshanba kuni kechki payt Fors viloyatining Nayriz shahri va Kirmon viloyatidagi Sirjon oʻrtasidagi asosiy yoʻlda avtobus yuk mashinasi bilan toʻqnashib ketgani, natijada “48 kishi jarohatlangan va uch kishi halok boʻlgan”ini maʻʻlum qildi.

Avtobusda qancha odam boʻlganiga aniqlik kiritilmagan.

Fors yoʻl politsiyasi xodimi polkovnik Abdol Hoshem Dehgʻoniyning aytishicha, avtohalokatga tormozning “texnik nosozligi” va haydovchining “avtomobilni boshqara olmagani” sabab boʻlgan.

Yakshanba kuni yana ikkita avtobus halokatida kamida 35 kishi vafot etdi, oʻnlab odamlar yaralandi, deydi rasmiylar.

Birinchisi, Iroqdan Eron orqali qaytayotgan shia ziyoratchilarni olib ketayotgan avtobusning Pokiston janubi-gʻarbida shossedan jarlikka qulashi oqibatida kamida 12 kishi halok boʻlgan va 32 kishi jarohatlangan, deya xabar beradi politsiya va rasmiylar.

Bir necha soat oʻtib, sharqiy Panjob viloyatidagi Kaxuta tumanida avtobusning jarlikka qulashi oqibatida 23 kishi halok boʻldi, deya xabar beradi politsiya va rasmiylar.

Mahalliy politsiya boshligʻi Kazi Sobirning soʻzlariga koʻra, birinchi hodisa Makran qirgʻoq shossesida haydovchi avtobusning tormozi ishlamay qolishi oqibatida avtobus boshqaruvini yoʻqotib qoʻyganidan keyin sodir boʻldi, dedi mahalliy politsiya boshligʻi Kazi Sobir.

Pokistonda avtobus halokatlari tez-tez uchrab turadi. Avvalroq 28 pokistonlik ziyoratchi qoʻshni Eronda Iroqqa ketayotgan avtobus halokatida halok boʻlgan edi.

Qurbonlarning jasadlari shanba kuni Pokiston harbiy samolyotida uylariga etkazilgan va janubiy Sind viloyatida dafn etilgan.

Sobirning aytishicha, yakshanba kuni jarlikka qulagan avtobus Pokiston sharqidagi Panjob viloyatiga ketayotgan edi.

Pokiston prezidenti Osif Ali Zardoriy va bosh vazir Shehbaz Sharif alohida bayonotlarda halokatdan chuqur qaygʻularini izhor qilishdi. Ular rasmiylardan jabrlangan ziyoratchilarga eng yaxshi tibbiy yordam koʻrsatilishini taʻʻminlashni soʻrashgan.

Minglab shialar Muhammad alayhissalomning suyukli nabiralari Husayn roziyallohu anhu vafotidan soʻng 40 kunlik motam tugashini nishonlash uchun Arbain kunini nishonlash uchun Iroqning Karbalo shahriga borishadi.