Amerikalik milliarderlar Jo Bayden nomzodidan xavotirda

AQShda prezidentlik saylovlari yaqinlashar ekan, Demokratik partiyaning milliarder donorlari prezident Jo Baydenning nomzodidan xavotirda. Ayniqsa 81 yoshli Bayden yoshi bilan bogʻliq xavotirlar asossiz ekanini isbotlay olmaganidan soʻng uning nomzodiga nisbatan tanqidlar kuchaydi.

AQShda prezidentlik saylovlari yaqinlashar ekan, Demokratik partiyaning milliarder donorlari prezident Jo Baydenning nomzodidan xavotirda, deb yozdi “Anadolu” agentligi. Ayniqsa 81 yoshli Bayden yoshi bilan bogʻliq xavotirlar asossiz ekanini isbotlay olmaganidan soʻng uning nomzodiga nisbatan tanqidlar kuchaydi.

5 noyabrʻ kuni boʻlib oʻtadigan AQSh prezidentlik saylovlari uchun kurashayotgan demokrat Bayden va uning respublikachi raqibi sobiq prezident Donalʻd Tramp 27 iyunga oʻtar kechasi CNN telekanalidagi birinchi jonli debatda oʻzlarining kuchli tomonlari bilan boʻlishdi.

Debat davomida 81 yoshli Bayden yoshi bilan bogʻliq xavotirlar asossiz ekanini isbotlay olmaganidan soʻng tanqidlar ostida qoldi.

Shundan soʻng Demokratlar partiyasi va Bayden tarafdori boʻlgan baʻʻzi ommaviy axborot vositalari Baydenni “prezidentlikka nomzodini qoʻyishdan bosh tortish”ga chaqirishdi. Ular orasida Demokratik partiyadan AQSh Kongressining 7 nafar aʻʻzosi ham bor.

Demokratik partiyaga minglab dollar xayriya qilgan milliarder donorlar orasida Baydenning poygadan chiqib ketishini xohlayotganlar soni ortib bormoqda.

Oʻz navbatida Bayden sogʻligʻi avvalgidek emasligini tan oldi, biroq u Trampga eng yaxshi muqobil ekanligini taʻʻkidlab, poygadan chiqmasligini aytdi.

Xususan, demokratlarning asosiy donorlaridan boʻlgan BVS Entertainment prodyuserlik kompaniyasi asoschisi Xaim Saban Bayden va uni qoʻllab-quvvatlayotganlar “izdan chiqib ketganini” taʻʻkidlagan boʻlsa, yana bir donor, Netflix hamtaʻʻsischisi Rid Xastings birinchilardan boʻlib oshkora ravishda Baydenni prezidentlik poygasidan chiqishga chaqirdi.

Demokratik partiyaning eng yirik donorlaridan biri, aktyor Jorj Kluni ham NYT  nashrida maqola chop etish orqali Baydenni oʻz nomzodini bekor qilishga ochiq chaqiruvchi guruhga qoʻshildi.

Bayden bilan uch hafta oldin mablagʻ yigʻish marosimida boʻlganini eslagan Kluni: "Bayden 2010 yoki hatto 2020 yilgi Bayden emas edi, lekin biz oʻsha jonli efirda koʻrgan Bayden edi. Partiyamiz etakchilari 51 million odam biz koʻrgan narsani koʻrmaydi, deb aytishni bas qilishi kerak”, - dedi.