145-kun: Gʻazodagi asosiy voqealar dayjesti

Isroilning Gʻazo sektori va Iordan daryosining gʻarbiy sohilida olib borayotgan urush jinoyatlari boshlanganiga 145 kun boʻldi. Kunning asosiy voqealari dayjesti.

▪️ Bosqinchilar Gʻazoning Xon Yunis, Rafah va Dayr al-Balahsiy shaharlariga hujum qildi. Oxirgi 24 soat ichida 96 kishi halok boʻldi, 172 kishi yaralandi.

▪️ 7 oktyabrdan buyon Isroil hujumlari natijasida halok boʻlgan falastinliklar soni 29 878 kishiga, yaralanganlar soni esa 70 215 nafarga etdi.

▪️ Gʻazo Sogʻliqni saqlash vazirligi: Gʻazo shimolidagi Kamol Advan kasalxonasiga yotqizilgan 2 nafar bola ochlikdan vafot etdi.

▪️ Gʻarbiy Sohilda ishgʻolchilar Hebron, Nablus, Ramallah va Jeninga bostirib kirib, oʻnlab yoshlarni, jumladan 3 nafar bolani hibsga oldi. Jenin qarshilik kuchlari qarshi zarba berib, ishgʻolchilarga jarohat etkazdi va ishgʻol jihozlarini yoʻq qildi.

▪️ Rossiya BMT Xavfsizlik Kengashida Isroilni Gʻazo sektoriga yordam oqimiga toʻsiqlar yaratishda aybladi.

▪️ Livan Hizbullohi «Meron» harbiy ishgʻol bazasiga keng miqyosli hujum qildi. Hujum vaqtida Bosh shtab boshligʻi bazada boʻlgan.

▪️ Qarshilik jangchilari Zaytun hududidagi Givati ​​batalʻonining ikki rota komandirini yoʻq qilishdi. 12 dan ortiq odam yaralangan.

▪️ Al-Quds brigadalari: Biz Ashkelon va Gʻazo sektori atrofidagi aholi punktlariga zarbalar berdik.

▪️ “Axios”: AQSh prezidenti Bayden maʻʻmuriyati Isroilga Amerika qurollaridan foydalanganda xalqaro qonunlarga rioya qilish majburiyatini olgan xatni imzolash uchun muddat berdi. Agar Isroil belgilangan muddatgacha kafolat bermasa, qurol etkazib berish toʻxtatiladi.

▪️ Qatar amiri: Dunyo genotsidga guvoh boʻlmoqda va xalqaro hamjamiyat hali ham Gʻazoning tinch aholisini himoya qila olmayapti.