144-kun: Gʻazodagi asosiy voqealar dayjesti

Isroilning Gʻazo sektori va Iordan daryosining gʻarbiy sohilida olib borayotgan urush jinoyatlari boshlanganiga 144 kun boʻldi. Falastin, Yaman va Livanda sodir boʻlgan kunning asosiy voqealari dayjesti.

Isroilning Gʻazo sektori va Iordan daryosining gʻarbiy sohilida olib borayotgan urush jinoyatlari boshlanganiga 144 kun boʻldi. Kunning asosiy voqealari dayjesti.

▪️ 24 soat davomida Isroil bosqinchilari Gʻazo sektori markazi, Zaytun va Rafax hududlariga hujumlarni amalga oshirdi. Kun davomida 90 kishi halok boʻldi, 164 kishi jarohat oldi.

▪️ 7 oktyabrdan buyon Isroil hujumlari natijasida halok boʻlgan falastinliklar soni 29 782 kishiga, yaralanganlar soni esa 70 043 nafarga etdi.

▪️ Iordan daryosining gʻarbiy sohilida ishgʻolchilar Nablus, Ramallah, Xebron, Tubasga bostirib kirdi. Bosqinchilar uch nafar yosh falastinlikni oʻldirdi. Shuningdek, hibsga olinganlar, jumladan, voyaga etmaganlar ham bor.

▪️ YuNRVA rahbari: Gʻazo shimolidagi odamlar anklav shimolida oziq-ovqat etishmasligi tufayli ochlikdan oʻlishdan qoʻrqib, janubga koʻchib oʻtish orqali oʻz hayotlarini xavf ostiga qoʻyishmoqda.

▪️ Bayden: Falastinliklar oʻlimi soni ortib boraversa, Isroil butun dunyo boʻylab yordamini yoʻqotish xavfi bor.

▪️ HAMAS: Bayden maʻʻmuriyati Gʻazo aholisining genotsidiga qarshi chiqib, Oq uy qarshisila oʻzini yoqib yuborgan amerikalik uchuvchi Aaron Bushnelning oʻlimi uchun javobgardir.

▪️ Bugun BMT Xavfsizlik Kengashi Gʻazodagi ocharchilik bilan bogʻliq Shveytsariya va Gayana talabiga binoan yigʻilish oʻtkazadi.

▪️ Xusiylar dengiz ostidan Isroilga yotqizilgan toʻrtta suv osti optik tolali telekommunikatsiya kabelini yoʻq qildi.

▪️Livan Hizbullohi Al-Marj atrofidagi Jalilaga 40 ta raketa zarbasi berdi va Golan diviziyasining shtab-kvartirasini bombardimon qildi.

▪️ Human Rights Watch va Amnesty International Isroil Xalqaro sudning Gʻazoda genotsidning oldini olish uchun zudlik bilan va samarali choralar koʻrish toʻgʻrisidagi qaroriga amal qilmayotganini bildirdi.

▪️ Al-Qassam brigadalari: Biz sektorning janubi-sharqidagi bosqinchilar guruhlarini yoʻq qilishga, Raim aholi punktiga zarba berishga va Zaytun hududidagi harbiy texnikani yoʻq qilishga muvaffaq boʻldik.

Mavzuga aloqador

Eng ko‘p o‘qilgan

Tavsiya qilingan

Reklama