Бомбаланаётган Ғазо: 272-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 272 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Хон Юнис, Шужайи
ҳудуди ва Нусейрат лагерига ҳужум қилди. 24 соат ичида 45 киши ҳалок бўлди, 125
киши яраланди. Уруш бошланганидан бери 37 953 киши ҳалок бўлди.
▪️Ғарбий Соҳилда босқинчилар
Фаластин ерларининг сўнгги 30 йилдаги энг йирик босиб олинишини маъқуллади.
▪️Ал-Қассам бригадалари Шужайи ҳудудида босқинчилар бўлган бинони портлатиб
юборди.
▪️Ҳизбуллоҳ бўлинма командири Муҳаммад Носирнинг босқинчилар
томонидан ўлдирилганига жавобан Исроил позицияларига 100 дан ортиқ «Катюша» ракеталарини отди.
▪️ The New York Times: Қатар Ҳамасдан Байденнинг таклифига ижобий
жавоб олди.
▪️ЮНРВА:
Сўнгги 3 кун ичида Исроилнинг Маваси лагерига уюштирган ҳужумлари туфайли 250
минг фаластинлик ҳудудни тарк этишга мажбур бўлди.
▪️Ғазо шимолидаги Жабалия лагерида озиқ-овқат ва сув етишмаслиги туфайли вазият
ҳалокатли даражага етди.
▪️Фаластин тарафдори фаоллар Австралия парламенти томига
“Фаластин дарёдан денгизгача озод бўлади”, “Унутмаймиз, кечирмаймиз ва қаршилик
кўрсатишда давом этамиз” деган ёзувли плакатларни очиб қўйишди.
▪️Россиянинг БМТдаги вакили Василий Небензя: Россия
Фаластинга гуманитар ёрдам кўрсатишда давом этади.