Eronda turkiy xalaj tili yoʻq boʻlib ketish xavfi ostida
Eronda eng qadimgi turkiy tillardan biri hisoblangan xalaj tili unda soʻzlashuvchilar soni kamayib borayotgani sababli yoʻq boʻlib ketish arafasida. Shu bois xalaj tili Eronning nomoddiy milliy meros roʻyxatiga kiritildi. Maʻʻlumotlarga koʻra, bugungi kunda 19 mingga yaqin kishi ushbu tilda soʻzlashadi.
Turkiy tillarning oʻgʻuz tarmogʻiga mansub xalaj tili Eronning nomoddiy milliy meros
roʻyxatiga kiritildi. Bu haqda Eronning IRNA rasmiy axborot agentligi xabar berdi.
Xalaj tili Eronning Markaziy viloyatida keng tarqalgan. Markaziy viloyati Madaniy meros boʻyicha
direktor oʻrinbosari Husayn Mahmudiy soʻzlashuvchilar soni cheklangani sababli xalaj
tili jiddiy xavf ostida ekanini taʻʻkidladi.
Boshqarma
vakili hukumatning
tilni yoʻq boʻlib ketishdan saqlab qolish boʻyicha aniq rejalari bor-yoʻqligiga
aniqlik kiritmadi. Shu bilan birga, xalaj tili bilan bogʻliq xalq ogʻzaki ijodi,
jumladan, maqol, sheʻʻr va topishmoqlarni milliy meros sifatida qayd etish ushbu
muhim madaniy boylikni asrab-avaylashga xizmat qilishi taʻʻkidlandi.
Mahmudiy,
shuningdek, Talhab shahri va Markaziy viloyatining Faraxon, Ashtiyan, Tafresh va Arak tumanlaridagi ayrim qishloqlarda xalaj
tilida soʻzlashuvchilar
borligini taʻʻkidlab oʻtdi. Bugungi kunda eng qadimgi turkiy tillardan
biri boʻlgan xalaj tili yoʻq boʻlib ketish arafasida boʻlib, undan oz sonli odamlar
foydalanadi.
Xalaj tilini himoya qilish va saqlash faoli Aliaskar Jamrosiy 2019 yilda Eron ommaviy axborot vositalari bilan suhbatda
Eronda 19 ming kishi xalaj tilida soʻzlashishini aytgan
edi. U bundan 50 yil avval 42 ming ona tilida soʻzlashuvchi boʻlganini, ayni paytda u yoʻqolib borayotgan
tillardan biri ekanini taʻʻkidladi.
.png)
Mavzuga aloqador
-
Eron turizmni jonlantirish maqsadida 32 davlat bilan viza tartibini bir tomonlama bekor qilishga qaror qildi. Ular orasida Oʻzbekiston ham boʻlishi mumkin.
-
Eron mudofaa vaziri AQShning Qizil dengizdagi kemalarni himoya qilish uchun xalqaro guruh yaratish rejasini tanqid qilib, agar shunday qilinsa, jiddiy muammolarga uchrashini aytdi.
