Kaʻʻbani golʻf mashinasida tavof qilish imkoniyati paydo boʻldi
Ramazon oyida keksalar va imkoniyati cheklangan ziyoratchilarga qulaylik yaratish maqsadida Makka masjidi tomida golʻf mashinalarini qisqa muddatga ijaraga berish xizmati yoʻlga qoʻyildi.
Saudiya
Arabistoni Makka va Madinadagi Ikki muqaddas masjid ishlari boʻyicha Bosh
boshqarmasi tavof (Kaʻʻbani aylanib oʻtish) marosimini bajarish uchun «aqlli» golʻf mashinalarini
ishga tushirdi, deya xabar bermoqda Saudi Gazette.
Umra
ziyoratining eng qizgʻin mavsumiga toʻgʻri keladigan Ramazon oyida keksalar va
imkoniyati cheklangan ziyoratchilarga qulaylik yaratish maqsadida Makka masjidi
tomida golʻf mashinalarini qisqa muddatli ijaraga berish xizmati yoʻlga qoʻyildi.
Boshqarmaning
xabar berishicha, golʻf mashinasi
joylashgan joyga Ajad eskalatori kirishlari va Qirol Abdulaziz darvozasidagi
liftlar orqali borish mumkin. Golʻf mashinalari har kuni mahalliy vaqt bilan 16:00 dan 4:00
gacha xizmat
koʻrsatadi.
Golʻf mashinalaridan
faqat tavof maqsadlarida foydalanish
mumkin va ularning narxi bir kishi uchun 25 riyolga (6,67
dollar atrofida) teng. Hojilar tavof qilishlari uchun 50 ta golʻf
aravalari mavjud boʻlib, ularning har biri 10 yoʻlovchiga moʻljallangan.
.png)
Mavzuga aloqador
-
Madinadagi Masjidi Nabaviyga namozxonlarga qulaylik yaratish maqsadida 25 mingta mikrochipli yangi gilam toʻshaldi. Ushbu chiplar gilamlarning joylashuv oʻrni, tozalash, xushboʻy hidlar bilan ishlov berish kabi jarayonlar vaqtini qayd etib boradi.
-
Saudiya Arabistoni hukumati sanitariya meʻʻyorlari sababli masjidlar ichida iftorlik oʻtkazish taqiqlanganidan soʻng Makka va Madina shaharlaridagi iftorliklar masjidlar tashqarisida oʻtkazilishi maʻʻlum qilindi. Shuningdek, imom va muazzinlarga Ramazon oyida iftorlik uyushtirish uchun moddiy ehson yigʻish cheklandi.
