Туркия Исроилга 54 турдаги маҳсулот экспортини тақиқлади
Туркия 2024 йил 9 апрелдан бошлаб Исроилга айрим товарлар экспортини чеклашга қарор қилди. Бу ҳақда Anadolu Туркия Савдо вазирлиги матбуот хизматига таяниб хабарберди.
Вазирликнинг
қайд этишича, чекловлар Исроил Ғазо секторида зудлик билан ўт очишни
тўхтатишни эълон қилмагунча ва Фаластин анклавига етарли ва узлуксиз ёрдам
кўрсатишга рухсат бермагунча кучда қолади.
Экспорти
тақиқланган маҳсулотлар рўйхатига цемент, бетон аралаштиргичлар, темир ва пўлат
қурилиш ашёлари, темир, алюмин сим ва кабеллар, экскватор ва кранлар, қурилиш
техникалари, авиация бензини ва реактив ёнилғи, мотор ва гадравлика мойлари, ёқилғи мойлаш
маҳсулотлари, металга ишлов беришда қўлланилувчи кимёвий маҳсулотлар, лак ва бўёқлар
ҳамда бошқалар киритилган.
.png)
Мавзуга алоқадор
-
Туркия Миллий мудофаа вазирлиги январь ойида ҳам Исроилга порох, портловчи моддалар, ўқ-дори ва қурол экспорт қилишда давом этгани ҳақидаги хабарларни рад этиб, фақат “ов милтиғи эҳтиёт қисмлари ва балиқчилик воситалари (гарпун ва бошқа)” сотилганини билдирди. “Туркия Миллий мудофаа вазирлиги Исроил билан ҳарбий таълим, машғулотлар ва мудофаа саноати соҳасида ҳамкорликни ўз ичига олган ҳеч қандай қўшма фаолият олиб бормайди”, - дейилади баёнотда.
-
Туркия Савдо вазири Омер Болат 7 октябрдан бери Туркия ва Исроил ўртасидаги савдо ҳажми 33 фоизга қисқарганини маълум қилди. "Ҳукумат, давлат идоралари, давлат компаниялари Исроил компаниялари билан савдо қилгани йўқ", деди вазир.
