Қозоғистонликларнинг ЛГБТ тарғиботига қарши петицияси кўриб чиқиш учун қабул қилинди
Қозоғистон Маданият ва ахборот вазирлиги ЛГБТ тарғиботига қарши халқ петициясини кўриб чиқиш учун қабул қилди.
«E-Petition.kz»
расмий порталида эълон қилинган “Биз Қозоғистон Республикасида очиқ ва яширин
ЛГБТ ташвиқотига қаршимиз!” петицияси расмий кўриб чиқиш учун керакли
миқдордаги имзоларни тўплади. Қозоғистон Республикаси “Маъмурий процедура-процессуал кодексининг
90-4-моддасига кўра, 50 минг имзо тўплаш чегарасига етгандан сўнг, Қозоғистон
Республикаси Маданият ва ахборот вазирлиги петицияни кўриб чиқиш учун қабул
қилди. Қозоғистон Республикаси Арбитраж процессуал кодексининг 90-5-моддасига
мувофиқ, аризани кўриб чиқиш муддати у рўйхатга олинган кундан бошлаб 40 иш
кунигачани ташкил этади”, -
дейилади вазирлик хабарида.
Вазирликнинг
қўшимча қилишича, мазкур масалада манфаатдор томонлар, давлат органлари
ва жамоат бирлашмалари вакилларидан иборат махсус ишчи гуруҳ ишини ташкил этади.
Халқ мурожаати муаллифи Қозоғистон
ота-оналар иттифоқи раҳбари Багила Балтабаева эди.
Қозоғистонда
ЛГБТ тарғиботини тақиқлашни кўзда тутувчи қонун талаблари мавжуд эмас. Шундай
бўлишига қарамасдан, жорий йилнинг февраль ойида Ахборот вазирлиги ЛГБТ+
ўсмирлар сайтини “Интернет-ресурсда болалар саломатлиги ва ривожланишига зарар
етказувчи маълумотларни жойлаштириш билан боғлиқ қонун бузилиши аниқлангани” важи
билан блоклади. Март ойида Олмаота маъмурияти «Феминита» ҳаракатининг ҳар йили
8 март куни ўтказиладиган маршини ўтказишини маршдаги “бир жинсли муносабатлар,
никоҳлар, ЛГБТ рамзлари”ни тарғиб қилгани учун тақиқлади.
.png)
Мавзуга алоқадор
-
Қозоғистон Марказий Осиёда биринчи бўлиб нейрон тармоқлар соҳаси ва унинг ривожланишини давлат назоратига олди. Янги ташкил этилган қўмитанинг асосий вазифаси нейрон тармоқлар бўйича давлат сиёсатини назорат қилиш, республикада сунъий интеллектдан фойдаланишни тартибга солиш учун қонунчилик базасини яратиш, шунингдек, йирик тил моделлари асосида маҳаллий ишланмаларни ишлаб чиқишдан иборат бўлади.
-
Франциянинг «Нант» футбол клуби ҳужумчиси Мустафо Муҳаммад ЛГБТ ҳаракати тимсолларини тақишдан бош тортгани учун «Монако»га қарши ўйиндан четлатилди. Дисквалификация натижаси узоқ куттирмади - «Нант» «Монако»га 0:4 ҳисобида мағлуб бўлди.
