Назарбоевнинг собиқ келини одам ўғирлашда айбланди
29 август куни Олмаота ихтисослаштирилган туманлараро суди Гулмира Сатибалдини 12 йилга озодликдан маҳрум қилди. У Қозоғистоннинг биринчи президенти Нурсултон Назарбоев жиянининг собиқ рафиқаси ҳисобланади.
Суд Сатибалдини қариндоши ва собиқ бизнес шериги Абай Жунусовни 2019 йилда 165 кун давомида ўз иродасига зид равишда мажбуран изоляция қилганликда айбдор деб топди. Тергов маълумотларига кўра, шу йўл билан биринчи президентнинг собиқ келини тадбиркорни бир нечта компаниялардаги улушларидан воз кечишга мажбурламоқчи бўлган.
Маҳкуманинг собиқ ҳайдовчиси Мади Ботиршаев ҳам жазо олди – у шахсни мажбуран ушлаб туришга ёрдам берганликда айбдор деб топилди ва тўққиз йилга қамалди.
Бу Сатибалдига нисбатан чиқарилган биринчи ҳукм эмас. У аллақачон бир вақтнинг ўзида иккита қамоқ жазосини ўтамоқда – саккиз йилни бир нечта корхоналарнинг улушлари ва мулкларини ўғирлаш ҳамда ўзлаштиргани, етти йилни одам ўғирлаш ва жиноятга ёрдам бергани учун.
Мавзуга алоқадор
-
Шавкат Мирзиёев III Тошкент халқаро инвестиция форумидаги нутқида инвесторлар ҳуқуқларини ҳимоя қилишни кучайтиришга қаратилган қатор таклифларни тақдим этди. Жумладан, Жаҳон савдо ташкилоти тартиб-қоидалари ва стандартларига мос келувчи «Инвестициялар тўғрисида»ги қонун қабул қилинади, мамлакатда Халқаро тижорат суди иш бошлайди ва хорижий сармоядорларга ерларни ижарага бериш муддати икки баробар узайтирилади.
-
2023 йилда Туркия ташқи савдода 822 млрд лиралик ҳисоб-китобларни миллий валютасида амалга оширди.
