Эроннинг янги раҳбари Муҳаммад Мохбер ҳақида нималар маълум?
Мохбер 2021 йилда Иброҳим Раиси мамлакат президентлигига сайланганида вице-президент бўлди. У Оятуллоҳ Хоманаийга яқин ва Владимир Путин билан ҳам яхши муносабатларга эга. Ўтган йилнинг октябрь ойида Муҳаммад Мохбер Москвага ташриф буюрган ва Эрон ракеталарини Россияга етказиб бериш бўйича музокаралар олиб борган Эрон делегацияси таркибида эди. Аввалроқ Муҳаммад Мохбер Хоманаийга яқин бўлган Сетад сармоя фондида ишлаган.
2010 йилда Европа Иттифоқи Мохберни ядровий ракеталарни яратиш дастурида иштирок этгани учун санкция қилган. Бироқ орадан икки йил ўтиб амалдорга нисбатан санкциялар бекор қилинди. Қўшма Штатлар эса 2013 йилда Сетад сармоя жамғармаси ва бошқа 37 Эрон ширкатига қарши санкциялар киритган эди.
«Сетад» 1979 йилги ислом инқилобидан кейинги нотинч йилларда муҳожирлар ташлаб кетган мулкни бошқариш учун ташкил этилган бўлиб, кейинчалик бу мулкдан олинган маблағлар хайрия ишларига йўналтирилган. Бироқ Конституцияга кўра, вице-президент фақат кейинги 50 кун давомида мамлакат раҳбари бўлиб қолади, бу даврда янги сайловлар ташкил этилиши ва ўтказилиши керак.
.png)
Мавзуга алоқадор
-
Эрон туризмни жонлантириш мақсадида 32 давлат билан виза тартибини бир томонлама бекор қилишга қарор қилди. Улар орасида Ўзбекистон ҳам бўлиши мумкин.
-
Эрон мудофаа вазири АҚШнинг Қизил денгиздаги кемаларни ҳимоя қилиш учун халқаро гуруҳ яратиш режасини танқид қилиб, агар шундай қилинса, жиддий муаммоларга учрашини айтди.
