Эрон президентлигига номзодлар маълум бўлди
Эронда сайловларни назорат қилувчи Ислом Республикаси Қўриқчилар кенгаши президент Иброҳим Раисийнинг кутилмаган ўлимидан сўнг 28 июнга белгиланган президентлик сайловларида қатнашиш учун рўйхатга олинган 80 нафар номзодан 6 нафарини танлаб олди. Сараланганлар асосан консерваторлар бўлиб, фақат битта ислоҳотчи ўз номзодини қўйиши мумкин, деб ёзмоқда Middle East Eye.
Эрон парламентида Табриздан вакил Масуд Пезешкиан 2022 йил сентябрида полиция ҳибсхонасида 22 ёшли курд аёл Маҳса Аминийнинг ўлими сабаб бўлган умуммиллий норозилик намойишлари чоғида ҳукуматнинг шаффоф эмаслигини танқид қилди.
Мостафа Поурмохаммади
Шунингдек, мамлакатнинг собиқ ички ишлар вазири ва собиқ адлия вазири Мустафо Пурмуҳаммадий, Теҳрон мэри Алиризо Законий, вице-президент Амир-Ҳусайн Ғозизода-Ҳошимий, парламент спикери Муҳаммад-Бағир Ғолибаф, Эрон Хавфсизлик кенгаши аъзоси Саид Жалилий ҳам сайловларда қатнашади. Ўз номзодини илгари сурган бир қатор юқори мартабали шахсларга сайловда қатнашишга рухсат берилмади. Жумладан, Эроннинг собиқ президенти Маҳмуд Аҳмадинажод ҳам ўз номзодини илгари сурган эди.
Амир Ҳусайн Ғозизода-Ҳошимий
Масуд Пезешкиан
Алиризо Законий
Муҳаммад-Бағир Ғолибаф
Саид Жалилий
Эрондаги ислоҳотчиларнинг айтишича, консерватив президент Раисий 19 май куни вертолёт ҳалокатида вафот этганига қарамай, унинг фракцияси ҳокимиятни сақлаб қолиши мумкин.
.png)
Мавзуга алоқадор
-
Кеча Эрон президенти Иброҳим Раисий бўлган вертолёт Эрон-Озарбайжон чегараси яқинида «қаттиқ қўнди». Ноқулай об-ҳаво шароити ва қоронғилик туфайли қидирув-қутқарув ишлари қийинлашди. Туркия тунда кўриш тизими билан жиҳозланган вертолёт ва альпинистлар юборди. Раисийнинг ҳалок бўлгани маълум қилинди. Ўзбекистон ТИВ муносабат билдирди. Ҳодиса тафсилотлари.
-
Эроннинг собиқ президенти Маҳмуд Аҳмадинажод олий ҳукумат лавозимига яна ўз номзодини қўйишга қарор қилди, деб хабар бермоқда Ислом Республикаси давлат телевидениеси. Аввалроқ, бўлажак сайловларда номзодлардан бири аёл киши бўлиши маълум бўлган эди.
