Britaniyada muhojir va musulmonlarga hujum qilgan oʻta oʻngchi namoyishchilar hibsga olindi
Britaniyaning Plimut shahrida muhojirlar va musulmonlarga qarshi tartibsizliklarni amalga oshirgan oʻta oʻng guruhning olti nafar aʻʻzosi qoʻlga olindi. Bu haqda “Anadolu” mahalliy politsiya bayonotiga tayanib xabar qildi.
Bayonotga
koʻra, toʻqnashuvlar chogʻida irqchilikka qarshi parallelʻ namoyishda radikallarni
ishtirokchilardan ajratib turgan politsiya xodimlari yaralangan.
Oʻta
oʻnglar politsiyaga qarshi tosh, shisha va boshqa narsalarni uloqtirgan.
Britaniyada bir necha kundan beri tartibsizliklar davom
etmoqda. Namoyishlarning ilhomlantiruvchisi va tashkilotchisi “Ingliz oʻzini oʻzi
himoya qilish ligasi” oʻta oʻngchi guruhi hisoblanadi.
Tartibsizliklarga 29 iyulʻ kuni Sautport shahrida ugandalik musulmon boʻlmagan oilaning 17 yoshli oʻgʻli pichoq bilan bolalar raqs toʻgaragiga hujum
qilgani ortidan boshlanib
ketdi. Mazkur hujum natijasida uch nafar bola qurbon boʻldi, yana sakkiz nafar
bola jarohat oldi.
Oʻta
oʻngchilar voqea haqida notoʻgʻri maʻʻlumotlar, jumladan, gumonlanuvchi musulmon
davlatidan kelgan muhojir ekanligi haqidagi yolgʻon daʻʻvolarni tarqatishdi.
Politsiya bu maʻʻlumotlarni inkor etishiga qaramay, namoyishlar davom etdi.
Namoyishlar
chogʻida oʻta oʻngchi ekstremistlar Sanderlenddagi masjidga hujum qilib, politsiya
boʻlimini yoqib yuborgan. Oʻng qanot radikallar mamlakatning boshqa shaharlaridagi
masjidlar va musulmon markazlariga ham hujum qildi.
Mavzuga aloqador
-
Britaniyaning Sautport shahrida dushanba kuni raqs darsida nomaʻʻlum shaxs bolalarga hujum qildi, ulardan uch nafari halok boʻldi, bir qanchasi yaralandi. Hujumchining Ugandadagi genotsiddan qochib, Britaniyada panoh topgan oilaning 17 yoshli oʻgʻli amalga oshirgani aytilmoqda. Hodisadan soʻng shaharda tartibsizliklar roʻy berdi, yuzlab oʻta oʻng ekstremistlar Islam Society masjidiga hujum uyushtirdi.
-
Britaniyada “oʻta oʻng qanot bezorilar” tomonidan mamlakat boʻylab musulmonlar va qora tanlilarga qarshi pogromlar uyushtirildi - oʻtkinchi qora tanlilar kaltaklandi, masjidlarga hujumlar amalga oshirildi. Bunga musulmon boʻlmagan va Britaniyada tugʻilgan qora tanli oʻsmirning bolalarga pichoq bilan hujum uyushtirgani sabab boʻldi. Mamlakat bosh vaziri bezorilarni javobgarlikka tortishga vaʻʻda berdi.
