Bangladeshda norozilik namoyishlari: bosh vazir mamlakatni tark etdi, olomon uning qarorgohini egallab oldi
Bangladesh bosh
vaziri Shayx Hasina isteʻʻfoga chiqdi va qoʻshni Hindistonga qochib ketdi. Mamlakat
yuzlab odamlarning oʻlimiga olib kelgan ommaviy norozilik namoyishlari davom etmoqda. Armiya shtab boshligʻi general
Vaqer-Uz-Zamon muvaqqat hukumat tuzilishini maʻʻlum qildi.
Armiya shtab boshligʻi general Vaqer-Uz-Zamon mamlakat aholisiga qilgan
murojaatida bosh vazirning
isteʻʻfoga chiqqanini tasdiqladi.
Hasinaning vertolyotda xavfsizligi
taʻʻminlanishi vaʻʻda qilingan qoʻshni Hindistonga uchib ketgani aytilmoqda.
Vaqer-uz-Zamon muvaqqat hukumat tuzilishini maʻʻlum qildi.
U prezident Muhammad Shahobiddin bilan uchrashishini bildirib, muxolifatdagi siyosiy partiyalar bilan gaplashganini taʻʻkidladi.
Uning
qayd etishicha, hozircha hukumatni kim boshqarishi nomaʻʻlum.
General, shuningdek, butun Bangladesh xalqi uchun soʻnggi bir necha haftadan buyon namoyishchilar talab qilib kelayotgan adolat
taʻʻminlanishiga vaʻʻda berdi.
Dushanba kuni minglab olomon bosh vazirning “Ganobxaban” qarorgohi, shuningdek, ichki ishlar vaziri Asaduzzaman
Xonning poytaxtning Dhanmondi tumanidagi qarorgohiga bostirib kirib, talon-toroj uyushtirgan. Namoyishchilar mamlakat parlamenti
binosini ham egallab oldi.
Yakshanba kuni politsiya va Shayx Hasinaning isteʻʻfosini talab
qilgan namoyishchilar oʻrtasidagi toʻqnashuvlarda kamida 90 kishi halok boʻldi.
Halok boʻlganlar orasida 13 nafar politsiyachi ham bor. Ular Dakkadan 100
km shimolda joylashgan Sirajganj shahridagi politsiya boʻlimiga uyushtirilgan hujumda
halok boʻlgan.
Eslatib
oʻtamiz, iyulʻ oyida mustaqillik urushi qatnashchilari oilalariga davlat
xizmatiga ishga kirishda 30
foizlik kvota ajratish
haqidagi hukumat qaroridan soʻng mamlakatda keng koʻlamli norozilik namoyishlari
boshlanib ketdi. Namoyishlar 15 yildan beri hukmronlik qilgan va oxirgi marta shu
yilning yanvarʻ oyida toʻrtinchi muddatga qayta saylangan Hasinani hokimiyatdan
agʻdarilishiga olib keldi.
Ommaviy namoyishlar boshlanganidan beri 280 dan ortiq odam
halok boʻldi. Yuzlab
odamlarning oʻlimiga sabab boʻlgan tartibsizliklardan soʻng, mamlakat Oliy sudi ish
oʻrinlari kvotalarini bekor qildi.
Mavzuga aloqador
-
Bangladesh Oliy sudi yakshanba kuni mamlakat boʻylab talabalar noroziligiga sabab boʻlgan mustaqillik uchun kurashganlarning farzandlarini davlat ishiga olish boʻyicha 30 foizlik kvotani bekor qildi. Oxirgi kunlarda roʻy bergan ommaviy tartibsizliklar natijasida kamida 114 kishi halok boʻldi.
-
Bangladeshda davlat xizmatiga kvota ajratish qaroriga qarshi chiqqan namoyishchilar oʻlimiga eʻʻtibor qaratish maqsadida tashkil etilgan namoyishlarda 48 kishi halok boʻldi. Poytaxt va ayrim hududlarda "muddatsiz komendantlik soati" eʻʻlon qilindi.
