АҚШда қуролланган аёл киши черковга ҳужум уюштирди
АҚШнинг Хюстон марказидан 10 км узоқликда жойлашган Лейквуд черковига қуролли ҳужум уюштирилди.
Маҳаллий ОАВ маълумотларига кўра, пастор Жоэл Остин
бошчилигидаги якшанба кунги ибодат
чоғида черковга ташриф буюрувчиларга қарата ўқ узилган.
Texas Tribune нашрининг аниқлик киритишича, қуролли ҳужумни 30‑25 ёшлардаги аёл киши
амалга оширган. У ёнида 4‑5 ёшлардаги боласи билан черковга кириб, милтиқда
черковга ташриф буюрганларга қарата ўқ отишни бошлаган.
Аёл черковда
навбатчиликдан ташқари ташриф буюрган икки нафар полиция зобити томонидан отиб
ўлдирилган. Унинг ёнидаги бола эса оғир яраланган. Шунингдек, яна бир 57 ёшли
эркак оёғидан яраланиб, касалхонага ётқизилган. Ҳодисада бошқа қурбонлар
йўқлиги маълум қилинди.
Ҳартфорд Диншунослик институти маълумотларига кўра, мамлакатдаги учинчи йирик черков
бўлган Лейквуд черковида ҳар ҳафта якшанба кунлари 45 мингга яқин одам қатнашади.
.png)
Мавзуга алоқадор
-
Республикачи Грег Эбботт АҚШ президенти Жо Байден штатни ўз ҳолига ташлаб қўйганини иддао қилди.
-
АҚШнинг Техас штати мамлакатнинг жанубий чегараларидан оқиб келаётган ноқонуний муҳожирларга қарши қатъий қонунлар қабул қилиб, чегараларга тиканли сим тўсиқларни ўрнатмоқда. Бу эса Жо Байден бошчилигидаги федерал ҳукуматга маъқул келаётгани йўқ. Натижада чегара ҳудудида федерал ҳукуматга бўйсунувчи чегара хизмати ҳамда штат маъмурияти бўйсинувидаги Миллий гвардия ходимлари ўртасида ҳам зиддиятларни келтириб чиқармоқда. Azon Global таҳлилчиси Муҳаммад Довуд Асадуллоҳ ушбу вазиятга бир қур нигоҳ ташлади.
